'ഒരു രാജ്യം, ഒരു മനുഷ്യന്‍, ഒരു വളം'; കേന്ദ്ര സര്‍ക്കാരിനെ പരിഹസിച്ച് കോണ്‍ഗ്രസ്
ഡൂള്‍ന്യൂസ് ഡെസ്‌ക്
Thursday, 25th August 2022, 4:36 pm
ന്യൂദല്‍ഹി: രാജ്യത്ത് എല്ലാ വളങ്ങളും ഒരു ബ്രാന്‍ഡിന് കീഴില്‍ വില്‍ക്കണമെന്ന കേന്ദ്ര സര്‍ക്കാര്‍ തീരുമാനത്തെ പരിഹസിച്ച് കോണ്‍ഗ്രസ്. ഒരു രാജ്യം ഒരു റേഷന്‍ എന്ന പോലെ ‘ഒരു രാജ്യം, ഒരു മനുഷ്യന്‍, ഒരു വളം’ എന്നതാണ് കേന്ദ്രത്തിന്റെ പുതിയ സ്‌കീം എന്നാണ് കോണ്‍ഗ്രസിന്റെ പരാമര്‍ശം.
രാജ്യത്തുടനീളമുള്ള വളങ്ങള്‍ക്കിടയില്‍ ഏകീകൃത കൊണ്ടുവരാനാണ് പുതിയ തീരുമാനമെന്നാണ് സര്‍ക്കാരിന്റെ വിശദീകരണം. ഇത് സംബന്ധിച്ച് എല്ലാ കമ്പനികള്‍ക്കും നോട്ടീസ് നല്‍കിയതായും സര്‍ക്കാര്‍ വൃത്തങ്ങള്‍ അറിയിച്ചു. ഭാരത് എന്ന ബ്രാന്‍ഡിന് കീഴിലാണ് വളങ്ങള്‍ വില്‍ക്കേണ്ടതെന്നാണ് കേന്ദ്ര സര്‍ക്കാര്‍ ഉത്തരവ്.
