തമിഴ്‌നാട്ടില്‍ ഒരു ഡി.എം.കെ എം.എല്‍.എയ്ക്ക് കൂടി കൊവിഡ്
ഡൂള്‍ന്യൂസ് ഡെസ്‌ക്
Saturday, 27th June 2020, 2:12 pm
ചെന്നൈ: തമിഴ്‌നാട്ടില്‍ ഒരു എം.എല്‍.എയ്ക്ക് കൂടി കൊവിഡ് സ്ഥിരീകരിച്ചു. ഡി.എം.കെ എം.എല്‍എയായ ആര്‍.ടി അരസുവിനാണ് കൊവിഡ് സ്ഥിരീകരിച്ചത്. ചെയ്യൂര്‍ മണ്ഡലത്തില്‍ നിന്നുള്ള എം.എല്‍.എയാണിദ്ദേഹം.
സംസ്ഥാനത്ത് കൊവിഡ് ബാധിക്കുന്ന മൂന്നാമത്തെ ഡി.എം.കെ എം.എല്‍.എയാണ് ആര്‍ടി അരസു. ജെ അന്‍പഴകന്‍, വസന്തന്‍ കെ കാര്‍ത്തികേയന്‍ എന്നിവരാണ് കൊവിഡ് ബാധിച്ച മറ്റു എം.എല്‍.എമാര്‍.
കൊവിഡ് ബാധിച്ച് മെയ് രണ്ടിന് ആശുപത്രിയില്‍ പ്രവേശിപ്പിച്ച എം.എല്‍.എ ജെ അന്‍പഴകന്‍ ജൂണ്‍ പത്തിന് മരിച്ചു.
