ഒരു രാജി കൂടി; പുതുച്ചേരിയില്‍ ഭൂരിപക്ഷം നഷ്ടമായി കോണ്‍ഗ്രസ് സര്‍ക്കാര്‍; അവിശ്വാസത്തിന് പ്രതിപക്ഷം
ഡൂള്‍ന്യൂസ് ഡെസ്‌ക്
Tuesday, 16th February 2021, 11:44 am
പുതുച്ചേരി: പുതിച്ചേരിയില്‍ ഒരു കോണ്‍ഗ്രസ് എം.എല്‍.എ കൂടി രാജിവെച്ചു. ഇതോടെ വി. നാരായണന്‍ സ്വാമി സര്‍ക്കാരിന്റെ ഭൂരിപക്ഷം നഷ്ടമായി. ഇതിനോടകം തന്നെ നാല് എം.എല്‍.എമാരാണ് പോണ്ടിച്ചേരിയില്‍ രാജിവെച്ചത്.
ഒരു എം.എല്‍.എ കൂടി രാജിവെച്ചതോടെ സര്‍ക്കാരിനെതിരെ അവിശ്വാസ പ്രമേയം കൊണ്ടുവരാനുള്ള നീക്കത്തിലാണ് പ്രതിപക്ഷം. ആവശ്യം ഉന്നയിച്ച് ഉടന്‍ സ്പീക്കറെ കാണുമെന്നും പ്രതിപക്ഷം പറഞ്ഞു. പുതുച്ചേരി മുഖ്യമന്ത്രി നാരായണ സ്വാമി അടിയന്ത മന്ത്രി സഭാ യോഗം വിളിച്ചിരിക്കുകയാണ്. മുഖ്യമന്ത്രി രാജിവെച്ചേക്കുമെന്ന റിപ്പോര്‍ട്ടുകളും പുറത്തുവരുന്നുണ്ട്.
