കൊല്ലം: മാഹിയില്‍ നിന്ന് കടത്തിയ 99 ലിറ്റര്‍ മദ്യം പിടികൂടി. ഓണത്തിന് വിതരണം ചെയ്യാനായെത്തിച്ച മദ്യമാണ് എക്‌സൈസ് അധികൃതര്‍ പിടികൂടിയിരിക്കുന്നത്. സംഭവത്തില്‍ ഒരാളെ അറസ്റ്റ് ചെയ്തു.

കൊല്ലം ആശ്രാമം സ്വദേശി മനു എന്ന് വിളിക്കുന്ന അരുണ്‍ജിത്തിനെയാണ് അറസ്റ്റ് ചെയ്തിരിക്കുന്നത്. കൂടെയുണ്ടായിരുന്ന ആലപ്പുഴ സ്വദേശി എബി ഓടി രക്ഷപ്പെട്ടു. ഇന്നോവ കാറിലായിരുന്നു ഇവര്‍ മദ്യം കടത്താന്‍ ശ്രമിച്ചിരുന്നത്.

കൊല്ലം പള്ളിമുക്കിന് സമീപത്ത് വെച്ചാണ് മാഹിയില്‍ നിന്ന് മദ്യവുമായി വന്ന ഇന്നോവ കാര്‍ എക്‌സൈസ് സംഘം പിടികൂടിയത്. പോലീസിനെ കണ്ടപ്പോള്‍ ഓടി രക്ഷപ്പെട്ട എബിക്ക് വേണ്ടിയുള്ള അന്വേഷണം തുടരുകയാണ്. കോടതിയില്‍ ഹാജരാക്കിയ അരുണ്‍ജിത്തിനെ റിമാന്റ് ചെയ്തു.