കഴിഞ്ഞ ഓണത്തിന് സദ്യയുണ്ടാക്കി കുളമായി, ഇത്തവണ കരിക്ക് ടീം എത്തിയത് പുതിയ പദ്ധതിയുമായി
എന്റര്‍ടെയിന്‍മെന്റ് ഡെസ്‌ക്
Monday, 31st August 2020, 1:57 pm
കൊച്ചി: പ്രേക്ഷകര്‍ക്കുള്ള ഓണസമ്മാനവുമായി കരിക്കെത്തി. കരിക്കിന്റെ ഓണം സ്‌പെഷ്യല്‍ എപ്പിസോഡാണ് പതിവുപോലെ തരംഗമാവുന്നത്. പതിമൂന്ന് ലക്ഷം ആളുകള്‍ ഇതിനോടകം തന്നെ വീഡിയോ കണ്ടു കഴിഞ്ഞു.
കഴിഞ്ഞ വര്‍ഷത്തെ ഓണത്തിന് സദ്യയുണ്ടാക്കി കുളമായ കരിക്ക് ടീം ഇത്തവണ പുതിയ പദ്ധതികളുമായാണ് ഇറങ്ങിയിട്ടുള്ളത്. ലോലനും ജോര്‍ജിനും കൂട്ടര്‍ക്കും പണികൊടുക്കാനിറങ്ങുന്ന ഭവാനിയമ്മയും ഹെല്‍ത്ത് ഇന്‍സ്‌പെക്ടറുമെല്ലാം പ്രേക്ഷകരുടെ മനംകവരുകയാണ്.
സോഷ്യല്‍ മീഡിയയില്‍ ഏറ്റവും അധികം ആരാധകരുള്ള കണ്ടന്റ് വിഡിയോ നിര്‍മ്മാതാക്കളാണ് കരിക്ക്. കരിക്കിന്റെ ഓരോ വീഡിയോകളും എപ്പിസോഡുകള്‍ക്കും നിരവധി ആരാധകരാണ് ഉള്ളത്. പലപ്പോഴും കരിക്കിലെ പല ഡയലോഗുകളും പ്രയോഗങ്ങളും സോഷ്യല്‍ മീഡിയയില്‍ വൈറലാവാറുണ്ട്.
