'കറുത്തിരുന്നോനാടാ മാവേലി'; മാങ്കോസ്റ്റീന്‍ ക്ലബിന്റെ ഓണപ്പാട്ട് സോഷ്യല്‍മീഡിയയില്‍ വൈറല്‍
എന്റര്‍ടെയിന്‍മെന്റ് ഡെസ്‌ക്
Monday, 31st August 2020, 12:48 pm
‘വെളുത്ത ദൈവങ്ങള്‍ വെറി പിടിച്ചിട്ട് ചവുട്ടിതാഴ്ത്തിയോന്‍ മാവേലി, കറുത്ത മാവേലി’, വ്യത്യസ്തമായൊരു ഓണഗാനവുമായി മാങ്കോസ്റ്റീന്‍ ക്ലബ്. മാവേലി എന്ന പേരിലാണ് ഗാനമിറങ്ങിയത്. ചതിച്ചു ചവിട്ടിത്താഴ്ത്തിയവരൊക്കെയും ഒരുനാള്‍ ഉയിര്‍ത്തുപൊന്തുമെന്ന പ്രതീക്ഷയാണ് ഓണം എന്ന് പറയുന്ന മാങ്കോസ്റ്റീന്‍ ക്ലബ് പുറത്തിറക്കിയ ഗാനമാണ് ഇപ്പോള്‍ സോഷ്യല്‍മീഡിയയില്‍ ചര്‍ച്ചയാവുന്നത്.
കരയിലെ തീണ്ടാമുള്‍വേലികള്‍ തകര്‍ത്തെറിഞ്ഞോനാണ്ടാ, വെളുവെളുത്തിട്ടല്ല വിരിഞ്ഞ വയറൊന്നില്ല. കറുകറെ കരിമുകില് പോലെ കറുത്തിരുന്നവനാടാ, മാവേലിയെക്കുറിച്ചുള്ള വരികളുമായി പുറത്തിറങ്ങിയ ഗാനം നിരവധിപേരാണ് സോഷ്യല്‍മീഡിയയില്‍ ഇതിനോടകം ഷെയര്‍ ചെയ്തത്.
