'മുസ്‌ലിങ്ങള്‍ കൂടുതലായുള്ള പ്രദേശങ്ങളില്‍ കൊവിഡ് വാക്‌സിനെടുക്കാന്‍ മടി'; സല്‍മാന്‍ ഖാന്റെ സഹായം തേടുമെന്ന് മഹാരാഷ്ട്രാമന്ത്രി
ഡൂള്‍ന്യൂസ് ഡെസ്‌ക്
Wednesday, 17th November 2021, 10:52 am
ജല്‍ന: മുസ്‌ലിങ്ങള്‍ ഭൂരിപക്ഷമുള്ള പ്രദേശങ്ങളില്‍ കൊവിഡ് വാക്‌സിന്‍ എടുക്കുന്നതില്‍ വിമുഖതയുണ്ടെന്ന് മഹാരാഷ്ട്രാ പൊതുജനാരോഗ്യമന്ത്രി രാജേഷ് ടോപെ.
ബോളിവുഡ് നടന്‍ സല്‍മാന്‍ ഖാന്റെയും മത നേതാക്കളുടെയും സഹായത്തോടെ പ്രശ്‌നത്തിന് പരിഹാരം കാണാന്‍ ശ്രമിക്കുന്നുണ്ടെന്ന് ടോപെ പറഞ്ഞു.
”മുസ്‌ലിങ്ങള്‍ കൂടുതലായുള്ള പ്രദേശങ്ങളില്‍ ഇപ്പോഴും വാക്‌സിനെടുക്കാനുള്ള മടിയുണ്ട്. വാക്‌സിന്‍ എടുക്കുന്നതിനെക്കുറിച്ച് മുസ്‌ലിം സമൂഹത്തെ ബോധ്യപ്പെടുത്താന്‍ സല്‍മാന്‍ ഖാന്റെയും മതനേതാക്കളുടെയും സഹായം ഉപയോഗിക്കാന്‍ ഞങ്ങള്‍ തീരുമാനിച്ചു,” അദ്ദേഹം പറഞ്ഞു.
