ഒമര്‍ ലുലുവിന്റെ പെരുന്നാള്‍ സമ്മാനം; 'ജാനാ മേരെ ജാനാ' വിനീത് ശ്രീനിവാസന്റെ മനോഹര ശബ്ദത്തില്‍
എന്റര്‍ടെയിന്‍മെന്റ് ഡെസ്‌ക്
Thursday, 13th May 2021, 10:40 am
‘ഒരു അഡാര്‍ ലൗ’ എന്ന ചിത്രത്തിലെ ‘മാണിക്യമലരി’നു ശേഷം ഒമര്‍ ലുലുവും വിനീത് ശ്രീനിവാസനും വീണ്ടുമൊന്നിക്കുന്ന ‘ജാനാ മേരെ ജാനാ’ മ്യൂസിക്കല്‍ വീഡിയോ റിലീസ് ചെയ്തു. പെരുന്നാള്‍ ദിനത്തില്‍ തന്റെ യുട്യൂബ് ചാനലിലൂടെ ഒമര്‍ ലുലുവാണ് ഗാനം പുറത്തുവിട്ടത്.
പീര്‍ മുഹമ്മദിന്റെ പ്രശസ്തമായ പഴയകാല മാപ്പിളപ്പാട്ട് ‘മഹിയില്‍ മഹാ’യുടെ റീവിസിറ്റഡ് ഗാനമാണ് വിനീത് ശ്രീനിവാസന്റെ ശബ്ദത്തില്‍ മനോഹരമായ വിഷ്വലുകളോടുകൂടി ഒമര്‍ ലുലു ഒരുക്കിയിരിക്കുന്നത്.
പൂര്‍ണ്ണമായും ദുബായ് പശ്ചാത്തലമാക്കി ചിത്രീകരിച്ചിരിക്കുന്ന ഈ പ്രണയ ആല്‍ബത്തില്‍ പ്രശസ്ത സോഷ്യല്‍ മീഡിയ ഇന്‍ഫ്‌ളുവേഴ്‌സ് ദമ്പതികളായ അജ്മല്‍ ഖാന്‍-ജുമാന ഖാന്‍ എന്നിവര്‍ അഭിനയിച്ചിരിക്കുന്നു.
