അര്‍ജുന്‍ അശോകന്‍ നായകനാവുന്ന ഓളം എന്ന ചിത്രത്തിന്റെ സ്‌നീക്ക് പീക്ക് പുറത്ത്. നോബി മാര്‍ക്കോസ് അവതരിപ്പിക്കുന്ന കഥാപാത്രത്തോട് ശരീരത്തില്‍ മറ്റൊരു ആത്മാവ് കയറുന്നതിനെ പറ്റി അര്‍ജുന്‍ പറയുന്ന രംഗമാണ് പുറത്തുവിട്ടിരിക്കുന്നത്.
വി.എസ്. അഭിലാഷാണ് ചിത്രം സംവിധാനം ചെയ്യുന്നത്. ഹരിശ്രീ അശോകനും ചിത്രത്തില്‍ ഒരു പ്രധാനകഥാപാത്രമാവുന്നുണ്ട്. യഥാര്‍ത്ഥ ജീവിതത്തില്‍ എന്നപോലെ ഇതിലും അച്ഛനും മകനുമായാണ് അഭിനയിക്കുന്നത്. അതും അവരുടേതായ പേരുകളില്‍ തന്നെ.
നടി ലെനയും വി.എസ്. അഭിലാഷും ചേര്‍ന്ന് തിരക്കഥ ഒരുക്കിയ ചിത്രം നൗഫല്‍ പുനത്തില്‍ ആണ് നിര്‍മിക്കുന്നത്. ലെന, ബിനു പപ്പു, നോബി മാര്‍ക്കോസ്, സുരേഷ് ചന്ദ്രമേനോന്‍, പൗളി വത്സന്‍ തുടങ്ങിയവരും ചിത്രത്തില്‍ പ്രധാന വേഷങ്ങളില്‍ എത്തുന്നു.
ഛായാഗ്രഹണം നീരജ് രവി അഷ്‌കര്‍. എഡിറ്റിങ് ഷംജിത്ത് മുഹമ്മദ്, സൗണ്ട് ഡിസൈന്‍ രംഗനാഥ് രവി, മ്യൂസിക് ഡയറക്ടര്‍ അരുണ്‍ തോമസ്, കോ-പ്രൊഡ്യൂസര്‍ സേതുരാമന്‍, ചീഫ് അസോസിയേറ്റ് ഡയറക്ടര്‍ മിറാഷ് ഖാന്‍, അംബ്രോ വര്‍ഗീസ്, ആര്‍ട്ട് വേലു വാഴയൂര്‍, കോസ്റ്റ്യൂം ജിഷാദ് ഷംസുദ്ദീന്‍, കുമാര്‍ ഇടപ്പാള്‍, മേക്കപ്പ് ആര്‍.ജി. വയനാടന്‍, റഷീദ് അഹമ്മദ്, പ്രൊഡക്ഷന്‍ കണ്‍ട്രോളര്‍ ശശി പൊതുവാള്‍, ഡിസൈന്‍സ് മനു ഡാവിഞ്ചി. പി.ആര്‍.ഒ. മഞ്ജു ഗോപിനാഥ്. ഡിജിറ്റല്‍ മാര്‍ക്കറ്റിങ് ഒപ്ര.
Content Highlight: olam movie sneak peak