തൊഴിലിനോടുള്ള ആത്മാര്‍ത്ഥത; സല്‍മാന്‍ ഖാനെ തടഞ്ഞുവെച്ച ഉദ്യോഗസ്ഥന് പാരിതോഷികം നല്‍കും; പിരിച്ചുവിട്ടെന്ന വാര്‍ത്ത തള്ളി സി.ഐ.എസ്.എഫ്
ഡൂള്‍ന്യൂസ് ഡെസ്‌ക്
Wednesday, 25th August 2021, 5:09 pm
മുംബൈ: ബോളിവുഡ് നടന്‍ സല്‍മാന്‍ ഖാനെ മുംബൈ എയര്‍പോര്‍ട്ടില്‍ തടഞ്ഞുവെച്ച സംഭവത്തില്‍ സി.ഐ.എസ്.എഫ് ഉദ്യോഗസ്ഥനെ പ്രശംസിച്ച് പാരാമിലിറ്ററി ഫോഴ്‌സ്.
തന്റെ തൊഴിലിനോട് കാണിച്ച ആത്മാര്‍ത്ഥത ചൂണ്ടികാണിച്ചാണ് സി.ഐ.എസ്.എഫ് ഉദ്യോഗസ്ഥനെ അഭിനന്ദിച്ചത്. ട്വിറ്ററിലൂടെയായിരുന്നു സി.ഐ.എസ്.എഫിന്റെ പ്രതികരണം.
സല്‍മാന്‍ ഖാനെ തടഞ്ഞു വെച്ചതിനെ തുടര്‍ന്ന് ഇദ്ദേഹത്തെ ജോലിയില്‍ നിന്ന് പിരിച്ചു വിട്ടുവെന്ന റിപ്പോര്‍ട്ടും പാരാമിലിറ്ററി ഫോഴ്‌സ് തള്ളി.
‘ട്വീറ്റില്‍ നല്‍കിയിരിക്കുന്ന വിവരങ്ങള്‍ അടിസ്ഥാനരഹിതമാണ്. തൊഴിലിനോടുള്ള അത്മാര്‍ത്ഥ കണക്കിലെടുത്ത് ഉദ്യോഗസ്ഥന് പാരിതോഷികം നല്‍കും” എന്നാണ് സി.ഐ.എസ്.എഫ് ട്വിറ്ററില്‍ പോസ്റ്റ് ചെയ്തത്.
