“മുഖ്യധാര” എന്ന ത്രൈമാസികയ്ക്ക് നല്‍കിയ അഭിമുഖത്തിലാണ് ഒ. അബ്ദുറഹ്മാന്‍ ഇക്കാര്യം വ്യക്തമാക്കിയത്. ഫിഖ്ഹിന്റെ അതിപ്രസരമാണ് ഇസ്‌ലാമിനെ ഇത്രമേല്‍ സ്ത്രീ വിരുദ്ധമാക്കിയത്. പ്രവാചകന്റെയും ഖിലാഫത്തിന്റെയും കാലം കഴിഞ്ഞാണ് ഫിഖ്ഹ് രൂപപ്പെടുന്നത്. രാജക്കാന്‍മാരുടെ കാലത്ത് ഇജ്ത്തിഹാദ് നടത്തിയോ അല്ലാതെയോ പണ്ഡിതന്‍മാര്‍ രൂപപ്പെടുത്തിയ പലതും അബദ്ധമാണെന്നും ഇസ്‌ലാമിക പണ്ഡിതന്‍ കൂടിയായ ഒ. അബ്ദുറഹ്മാന്‍ അഭിപ്രായപ്പെടുന്നു. പല ഫിഖ്ഹ് ഗ്രന്ഥങ്ങളും വായിച്ചാല്‍ സ്ത്രീ പുരുഷന്റെ അടിമയാണ്. ഇതൊന്നും ഇസ്‌ലാമിന്റെ കാഴ്ചപാടല്ലെന്നും അദ്ദേഹം വ്യക്തമാക്കുന്നു.
അതേ സമയം പ്രകൃതിപരമായി സ്ത്രീയും പുരുഷനും തമ്മില്‍ വ്യത്യാസങ്ങള്‍ ഉണ്ടെന്നും അതംഗീകരിച്ച് മാത്രമേ മുന്നോട്ട് പോകാന്‍ പറ്റുകയുള്ളൂവെന്നും ഒ. അബ്ദുറഹ്മാന്‍ വ്യക്തമാക്കുന്നു.
കൂടുതല്‍ വായനയ്ക്ക്