രാജ്യത്ത് ഇന്ന് കോവിഡ് സ്ഥിരീകരിച്ചത് 1,463 പേര്‍ക്ക്; ഇതുവരെയുള്ള ഏറ്റവും വലിയ വര്‍ധന; ഇതുവരെ മരിച്ചത് 353 പേര്‍
ഡൂള്‍ന്യൂസ് ഡെസ്‌ക്
Tuesday, 14th April 2020, 7:26 pm
ന്യൂദല്‍ഹി: രാജ്യത്ത് ഇതുവരെ 10,815 പേര്‍ക്ക് കോവിഡ്-19 സ്ഥിരീകരിച്ചെന്ന് കേന്ദ്ര ആരോഗ്യ-കുടുംബക്ഷേമ മന്ത്രാലയം. 24 മണിക്കൂറിനിടെ 1,463 കേസുകള്‍ പുതുതായി റിപ്പോര്‍ട്ട് ചെയ്തു. രാജ്യത്ത് രോഗം സ്ഥിരീകരിച്ചവരുടെ ഇതുവരെയുള്ള ഏറ്റവും വലിയ വര്‍ധനയാണിത്.
29 പേര്‍ കഴിഞ്ഞ 24 മണിക്കൂറിനിടെ രോഗം ബാധിച്ച് മരിച്ചു. ഇതോടെ രാജ്യത്ത് ആകെ മരിച്ചവരുടെ എണ്ണം 353 ആയി.
രോഗബാധിതരില്‍ 9,272 പേര്‍ ചികിത്സയിലാണ്. 1,190 പേര്‍ രോഗമുക്തരായി.
മഹാരാഷ്ട്രയിലാണ് ഏറ്റവും കൂടുതല്‍ കോവിഡ്-19 രോഗബാധിതരുള്ളത്. രോഗബാധിതരുടെ എണ്ണം മഹാരാഷ്ട്രയില്‍ രണ്ടായിരം കടന്നെന്നാണ് റിപ്പോര്‍ട്ടുകള്‍. 24 മണിക്കൂറിനിടെ 300 പുതിയ കേസുകള്‍ സ്ഥിരീകരിച്ചിട്ടുണ്ട്.
ദല്‍ഹിയിലും തമിഴ്നാട്ടിലുമാണ് മഹാരാഷ്ട്ര കഴിഞ്ഞാല്‍ രോഗബാധിതരുള്ളത്.
