ഡി.വൈ.എഫ്.ഐ. നേതാവിന്റേതെന്ന പേരില്‍ നഗ്ന ദൃശ്യങ്ങള്‍; പൊലീസില്‍ പരാതി നല്‍കി നേതാവ്
ഡൂള്‍ന്യൂസ് ഡെസ്‌ക്
Friday, 1st October 2021, 8:35 am
മൂന്നാര്‍: ഡി.വൈ.എഫ്.ഐ. നേതാവിന്റേതെന്ന പേരില്‍ സമൂഹമാധ്യമങ്ങളില്‍ നഗ്ന ദൃശ്യങ്ങള്‍ പ്രചരിച്ചതിന് പിന്നാലെ പരാതിയുമായി നേതാവ് രംഗത്ത്.
ദൃശ്യങ്ങള്‍ വ്യാജമായി നിര്‍മിച്ചതാണെന്നും ഇത് നിര്‍മിച്ച യുവതിയെ കണ്ടെത്തണമെന്നും ആവശ്യപ്പെട്ടാണ് ഡി.വൈ.എഫ്.ഐ നേതാവ് പൊലീസില്‍ പരാതി നല്‍കിയിരിക്കുന്നത്. വീഡിയോകോളില്‍ വിളിച്ച യുവതി, ദൃശ്യങ്ങള്‍ കൃത്രിമമായി നിര്‍മിച്ചതാണെന്നും പരാതിയിലുണ്ട്.
രാഷ്ട്രീയ എതിരാളികളാണ് ഇതിനുപിന്നിലെന്നും സൈബര്‍ സെല്ലിന്റെ സഹായത്തോടെ അന്വേഷിക്കണമെന്നുമാവശ്യപ്പെട്ടാണ് ഇയാള്‍ മൂന്നാര്‍ എസ്.എച്ച്.ഒ.ക്ക് പരാതി നല്‍കിയിരിക്കുന്നത്. ദൃശ്യങ്ങള്‍ക്കുപിന്നില്‍ തട്ടിപ്പുസംഘമാണെന്ന് സംശയിക്കുന്നതായും ഇയാള്‍ പറഞ്ഞു.
