കേന്ദ്ര ഭരണം കൈയിലുള്ള ബി.ജെ.പിയ്ക്ക് നിയമനിര്‍മ്മാണം നടത്തിക്കൂടായിരുന്നോ? ശബരിമലയെ തെരഞ്ഞെടുപ്പ് ആയുധമാക്കുന്നുവെന്ന് എന്‍.എസ്.എസ്
ഡൂള്‍ന്യൂസ് ഡെസ്‌ക്
Tuesday, 9th February 2021, 6:22 pm
ചങ്ങനാശ്ശേരി: ശബരിമല വിഷയത്തില്‍ മുന്നണികള്‍ക്കെതിരെ വിമര്‍ശനവുമായി എന്‍.എസ്.എസ്. തെരഞ്ഞെടുപ്പ് മുന്നില്‍ കണ്ട് വിശ്വാസ സംരക്ഷണത്തിന്റെ പേരില്‍ വിശ്വാസികളെ സ്വാധീനിക്കാന്‍ വേണ്ടി പുതിയ വാദഗതികളുമായി രാഷ്ട്രീയ കക്ഷികള്‍ രംഗപ്രവേശം ചെയ്തിരിക്കുകയാണെന്നും എന്‍.എസ്.എസ് പുറത്തിറക്കിയ വാര്‍ത്താക്കുറിപ്പില്‍ വ്യക്തമാക്കി.
കേന്ദ്ര ഭരണം കയ്യിലിരിക്കെ ബി.ജെ.പിക്ക് ഒരു നിയമനിര്‍മാണത്തിലൂടെ പരിഹരിക്കാവുന്ന പ്രശ്‌നം മാത്രമായിരുന്നു ഇതെന്നും എന്‍.എസ്.എസ് ജനറല്‍ സെക്രട്ടറി ജി. സുകുമാരന്‍ നായര്‍ പറഞ്ഞു.
പ്രതിപക്ഷത്തിരിക്കുമ്പോള്‍ തന്നെ വിശ്വാസം സംരക്ഷിക്കുന്നതിന് വേണ്ടി യു.ഡി.എഫിന് നിയമസഭയില്‍ ബില്‍ അവതരിപ്പിക്കാമായിരുന്നുവെന്നും അതിന് പകരം ഭരണത്തിലിരിക്കുമ്പോള്‍ നിയമനിര്‍മാണം നടത്താമെന്ന് പറയുന്നതില്‍ എന്ത് ആത്മാര്‍ത്ഥതയാണുള്ളതെന്നും അദ്ദേഹം ചോദിച്ചു.
