എന്‍.പി. 42 ഷൂട്ട് ചെയ്യുന്നത് ഹോളിവുഡ് ചിത്രങ്ങള്‍ക്കുപയോഗിക്കുന്ന ക്യാമറയില്‍
എന്റര്‍ടെയിന്‍മെന്റ് ഡെസ്‌ക്
Saturday, 24th June 2023, 11:02 am
നിവിന്‍ പോളിയുടെ 42ാം ചിത്രത്തിന്റെ ദുബായ് ലൊക്കേഷനില്‍ നിന്നുള്ള സ്റ്റില്ലുകള്‍ സോഷ്യല്‍ മീഡിയയില്‍ നേരത്തെ വൈറലായിരുന്നു. ഇപ്പോള്‍ ചിത്രത്തിന്റെ ഷൂട്ടിങ്ങിനായി ഉപയോഗിച്ച ക്യാമറ ആണ് വൈറലായിരിക്കുന്നത്. ഹോളിവുഡ് ചിത്രങ്ങള്‍ ഷൂട്ട് ചെയ്യുന്ന ബോള്‍ട്ട് ക്യാമറയിലാണ് എന്‍.പി. 42 എന്ന് പേരിട്ടിരിക്കുന്ന നിവിന്‍ പോളി – ഹനീഫ് അദേനി ചിത്രം ഷൂട്ട് ചെയ്തിരിക്കുന്നത്.
ഹനീഫ് അദേനി തിരക്കഥ ഒരുക്കി സംവിധാനം ചെയ്യുന്ന ചിത്രത്തിന്റെ ഷൂട്ടിങ് യു.എ.ഇയിലായിരുന്നു. ജനുവരി 20ന് ആയിരുന്നു യു.എ.ഇയില്‍ ഷൂട്ടിങ് ആരംഭിച്ചത്. മാജിക് ഫ്രെയിംസും പോളി ജൂനിയര്‍ പിക്‌ചേഴ്സും ചേര്‍ന്നാണ് ചിത്രം നിര്‍മിക്കുന്നത്.
