രാജ്യം ഒരു പ്രതിസന്ധിയിലൂടെ കടന്നുപോകുമ്പോള്‍ മിണ്ടാതെ നോക്കിയിരിക്കാന്‍ പറ്റില്ല; കൊവിഡ് പ്രതിസന്ധിയില്‍ സുപ്രീംകോടതി
ഡൂള്‍ന്യൂസ് ഡെസ്‌ക്
Tuesday, 27th April 2021, 2:49 pm
ന്യൂദല്‍ഹി: രാജ്യം ഒരു പ്രതിസന്ധിയിലൂടെ കടന്നുപോകുമ്പോള്‍ തങ്ങള്‍ക്ക് മിണ്ടാതിരിക്കാന്‍ ആവില്ലെന്ന് സുപ്രീംകോടതി. കൊവിഡ് പ്രതിസന്ധിയെക്കുറിച്ചുള്ള കേസുകള്‍ കേള്‍ക്കുന്നതില്‍ നിന്നും ഹൈക്കോടതിയെ തടയുക എന്നതല്ല തങ്ങളുടെ ഉദ്ദേശ്യമെന്നും സുപ്രീംകോടതി പറഞ്ഞു.
സുപ്രീംകോടതി കൈകാര്യം ചെയ്യേണ്ട ചില ദേശീയ പ്രശ്‌നങ്ങള്‍ ഉണ്ടെന്നും അതില്‍ ഇടപെടാതെ മിണ്ടാതിരിക്കാന്‍ പറ്റില്ലെന്നും കോടതി വ്യക്തമാക്കി. ഹെക്കോടതികളുടെ പരിഗണനയിലുള്ള വിഷയത്തില്‍ കൈ കടത്തില്ലെന്നും സുപ്രീംകോടതി വ്യക്തമാക്കി.
നിലവില്‍ 11 ഹൈക്കോടതികളില്‍ കൊവിഡ് പ്രതിസന്ധിയുമായി ബന്ധപ്പെട്ട കേസുകള്‍ പരിഗണിക്കുന്നുണ്ട്. കൊവിഡ് വ്യാപനം സംബന്ധിച്ച് സുപ്രീംകോടതി നേരത്തെ സ്വമേധയാ കേസ് എടുത്തിരുന്നു.
