ഞങ്ങള്‍ അധികാര മോഹികളായ രാഷ്ട്രീയക്കാരല്ല; കര്‍ണാടകയില്‍ ജെ.ഡി.എസിനെ രക്ഷിക്കാനാണ് ശ്രമിച്ചത്: ദേവഗൗഡ
ഡൂള്‍ന്യൂസ് ഡെസ്‌ക്
Wednesday, 27th September 2023, 2:53 pm
ന്യൂദല്‍ഹി: തങ്ങള്‍ അധികാര മോഹികളായ രാഷ്ട്രീയ പ്രവര്‍ത്തകരല്ലെന്ന് ജെ.ഡി.എസ് അധ്യക്ഷന്‍ എച്ച്.ഡി. ദേവഗൗഡ. താന്‍ പ്രധാനമന്ത്രി നരേന്ദ്ര മോദിയുമായി കൂടിക്കാഴ്ച നടത്തിയിട്ടില്ലെന്നും ആഭ്യന്തര മന്ത്രിയോട് സംസാരിച്ചത് കര്‍ണാടകയിലെ രാഷ്ട്രീയ സാഹചര്യത്തെ കുറിച്ചാണെന്നും അദ്ദേഹം പറഞ്ഞു. എന്‍.ഡി.എ സഖ്യത്തിനൊപ്പം ജെ.ഡി.എസ് ചേര്‍ന്നതിന് പിന്നാലെ ആദ്യമായി വാര്‍ത്താ സമ്മേളനത്തില്‍ സംസാരിക്കുകയായിരുന്നു ദേവഗൗഡ.
‘ഞങ്ങള്‍ അധികാര മോഹികളായ രാഷ്ട്രീയ പ്രവര്‍ത്തകരല്ല. ഞാന്‍ മോദിയെ കണ്ടിട്ടില്ല. പത്ത് വര്‍ഷങ്ങള്‍ക്ക് ശേഷമാണ് ഞാന്‍ ആദ്യമായി ആഭ്യന്തര മന്ത്രി അമിത് ഷായുമായി സംസാരിച്ചത്. കര്‍ണാടകയിലെ രാഷ്ട്രീയ സാഹചര്യത്തെ കുറിച്ച് ഞാന്‍ അദ്ദേഹത്തോട് വിശദീകരിച്ചിരുന്നു,’ അദ്ദേഹം പറഞ്ഞു.
