കൊച്ചി: ആരാധകരെ ആവേശ കൊടുമുടിയില്‍ എത്തിച്ച് കൊണ്ടാണ് കഴിഞ്ഞ ദിവസം മിഥുന്‍ മാനുവല്‍ തോമസിന്റെ പുതിയ ചിത്രങ്ങളായി ആട് 3യും കോട്ടയം കുഞ്ഞച്ചന്‍ 2 വും പ്രഖ്യാപിച്ചത്.
ആട് 2 വിന്റെ വിജയാഘോഷത്തിലായിരുന്നു ഈ പ്രഖ്യാപനം. എന്നാല്‍ ഈ ചിത്രങ്ങള്‍ മാത്രമല്ല മിഥുനിന്റെതായി വരുന്നത് ഓംശാന്തി ഓശാനക്ക് ശേഷം ആദ്യമായി മിഥുന്‍ മാനുവല്‍ രചന നിര്‍വഹിക്കുന്ന ചിത്രത്തില്‍ നായകനാവുന്നത് ആസിഫ് അലിയാണ്.
അവരുടെ രാവുകള്‍ക്ക് ശേഷം ഷാനില്‍ മുഹമ്മദാണ് ചിത്രം സംവിധാനം ചെയ്യുന്നത്. റോജിന്‍ തോമസിനോടൊപ്പം ഫിലിപ്‌സ് ആന്‍ഡ് ദ മങ്കിപെന്‍ എന്ന ചിത്രമാണ് ഷാനില്‍ മുഹമ്മദ് ആദ്യം സംവിധാനം ചെയ്തത്.
അതേ സമയം കഴിഞ്ഞ ദിവസം പ്രഖ്യാപിച്ച കോട്ടയം കുഞ്ഞച്ചന്‍ 2 ഇതിനോടകം സോഷ്യല്‍ മീഡിയയില്‍ വൈറലായിരിക്കുകയാണ്.ഫ്രൈഡേ ഫിലിം ഹൌസിനോടൊപ്പം ചേര്‍ന്ന് സവിനയം, സസന്തോഷം, സസ്നേഹം അവതരിപ്പിക്കുന്നു കോട്ടയം കുഞ്ഞച്ചന്‍ 2 എന്ന് പറഞ്ഞ് കൊണ്ട് മിഥുന്‍ ഫേസ്ബുക്ക് വഴി ഈക്കാര്യം അറിയിച്ചത്.