നോർവീജിയൻ കപ്പലുകൾക്ക് നേരെ വീണ്ടും ഹൂത്തികളുടെ ആക്രമണം
ഡൂള്‍ന്യൂസ് ഡെസ്‌ക്
Monday, 18th December 2023, 8:16 pm
വാഷിങ്ടൺ: ചെങ്കടലില്‍ നോര്‍വീജിയന്‍ പെട്രോകെമിക്കല്‍ ടാങ്കറുകളെ യെമനില്‍ നിന്ന് വിക്ഷേപിച്ച പ്രൊജക്ടൈലുകള്‍ ആക്രമിച്ചതായി യു.എസ് അധികൃതര്‍.
കെമിക്കല്‍, ഓയില്‍ ഉത്പന്നങ്ങള്‍ വഹിക്കുന്ന എം/വി സ്വാന്‍ അറ്റ്ലാന്റിക് എന്ന ടാങ്കറുകളെ യെമനില്‍ നിന്ന് ഹൂത്തികള്‍ വിക്ഷേപിച്ച പ്രൊജക്ടൈലുകള്‍ തെക്കന്‍ ചെങ്കടലില്‍ വെച്ച് ഇടിച്ചതായാണ് റിപ്പോര്‍ട്ട്. റീയൂണിയന്‍ ദ്വീപിലേക്ക് വെജിറ്റബിള്‍ ഓയില്‍ കൊണ്ടുപോവുന്നതിനിടെയായിരുന്നു ആക്രമണം.
കപ്പലിന്റെ വാട്ടര്‍ ടാങ്കിന് കേടുപാടുകള്‍ സംഭവിച്ചിട്ടുണ്ടെന്നും എന്നാല്‍ കപ്പലിന്റെ എല്ലാ സംവിധാനങ്ങളും സാധാരണ നിലയില്‍ പ്രവര്‍ത്തിക്കുന്നുണ്ടെന്നും സി.ഇ.ഒ ഒയ്സ്റ്റീന്‍ എല്‍ഗാന്‍ റോയിട്ടേഴ്സ് വാര്‍ത്താ ഏജന്‍സിയോട് പറഞ്ഞു.
