ടോളിവുഡ് ഡെബ്യൂ; മട്കയുടെ ലുക്ക് ടെസ്റ്റിനായി നോറ ഫത്തേഹി ഹൈദരാബാദില്‍
എന്റര്‍ടെയിന്‍മെന്റ് ഡെസ്‌ക്
Wednesday, 16th August 2023, 10:35 pm
‘പാലാസ’ ഫെയിം സംവിധായകന്‍ കരുണ കുമാര്‍ കഥ, തിരക്കഥ, സംഭാഷണം, സംവിധാനം എന്നിവ നിര്‍വഹിക്കുന്ന ‘മട്ക’യില്‍ ബോളിവുഡ് നടിയും നര്‍ത്തകിയുമായ നോറ ഫത്തേഹി നായികമാരില്‍ ഒരാളായി അഭിനയിക്കുന്നു.
‘വൈര എന്റര്‍ടെയ്ന്‍മെന്റ്‌സി’ന്റെ ബാനറില്‍ മോഹന്‍ ചെറുകുരിയും (സി.വി.എം) ഡോ. വിജേന്ദര്‍ റെഡ്ഡി ടീഗലയും ചേര്‍ന്ന് നിര്‍മിക്കുന്ന ചിത്രത്തിന്റെ ലോഞ്ചിങ് ചടങ്ങ് അടുത്തിടെ നടന്നിരുന്നു.
വളരെ നിര്‍ണായകമായ ഒരു കഥാപാത്രത്തെയാണ് നോറ ഫത്തേഹി ചിത്രത്തില്‍ അവതരിപ്പിക്കുന്നത്. ചിത്രീകരണം ആരംഭിക്കുന്നതിന് മുന്‍പേ തന്റെ വെല്ലുവിളി നിറഞ്ഞ കഥാപാത്രത്തെ അവതരിപ്പിക്കാനുള്ള തയ്യാറെടുപ്പുമായ് ബന്ധപ്പെട്ട് താരം ഇപ്പോള്‍ ഹൈദരാബാദിലാണ്. ചിത്രത്തിന്റെ ഭാഗമായി നടത്തിയ ലുക്ക് ടെസ്റ്റ് ശേഷം വര്‍ക്ക്‌ഷോപ്പില്‍ പങ്കെടുത്തു.
