കൊവിഡ് മഹാമാരിക്കാലത്ത് രാജ്യത്ത് ആരും പട്ടിണി കിടക്കരുത്: മോദി
ഡൂള്‍ന്യൂസ് ഡെസ്‌ക്
Wednesday, 4th August 2021, 11:27 am
ന്യൂദല്‍ഹി: കൊവിഡ് മഹാമാരി സമയത്ത് രാജ്യത്തെ ഒരു പൗരന്‍ പോലും പട്ടിണി കിടക്കരുതെന്ന് പ്രധാനമന്ത്രി നരേന്ദ്ര മോദി.
പാവപ്പെട്ടവരുടെ ഉന്നമനമാണ് സര്‍ക്കാരിന്റെ പ്രഥമ പരിഗണനയെന്നും മോദി അവകാശപ്പെട്ടു. 50 കോടി വാക്‌സിനേഷന്‍ എന്ന നാഴികക്കല്ലിലേക്ക് രാജ്യം നീങ്ങുകയാണെന്നും മോദി പറഞ്ഞു.
ഗരീബ് കല്യാണ്‍ യോജന ലോകം ശ്രദ്ധിക്കുന്നുണ്ടെന്ന് പറഞ്ഞ പ്രധാനമന്ത്രി, ദേശീയ ഭക്ഷ്യ സുരക്ഷാ നിയമത്തിന് പുറമേ 80 കോടി ആളുകള്‍ക്ക് ഇരട്ടി റേഷന്‍, സൗജന്യ ധാന്യങ്ങള്‍ തുടങ്ങിയവ ലഭിക്കുന്നുണ്ടെന്ന് പറഞ്ഞു.
പദ്ധതി നടപ്പാക്കാന്‍ സര്‍ക്കാര്‍ 2 ലക്ഷം കോടി രൂപ ചെലവഴിക്കുന്നുണ്ടെന്നും മോദി പറഞ്ഞു.
