ഹരജി പരിഗണിക്കുന്നത് സുപ്രീം കോടതി നീട്ടി; ചന്ദ്രബാബു നായിഡുവിന് തിരിച്ചടി
ഡൂള്‍ന്യൂസ് ഡെസ്‌ക്
Tuesday, 3rd October 2023, 4:50 pm
ന്യൂദല്‍ഹി: അഴിമതിക്കേസില്‍ അറസ്റ്റിലായ ആന്ധ്രപ്രദേശ് മുന്‍ മുഖ്യമന്ത്രി ചന്ദ്രബാബു നായിഡുവിന്റെ ഹരജി പരിഗണിക്കുന്നത് സുപ്രീം കോടതി ഒമ്പതാം തീയതിയിലേക്ക് മാറ്റി. ഏകദേശം 50 മിനിട്ടോളം നീണ്ടുനിന്ന ഹിയറിങ്ങില്‍ അഴിമതിനിരോധന നിയമത്തിലെ സെക്ഷന്‍ 17 എയുടെ പ്രായോഗികക്ഷമതയുമായി ബന്ധപ്പെട്ട ചര്‍ച്ചകള്‍ക്കാണ് കൂടുതല്‍ പരിഗണന നല്‍കിയത്.
ഹൈകോടതിയില്‍ സമര്‍പ്പിച്ചിരിക്കുന്ന എല്ലാ രേഖകളും ഹാജരാക്കാന്‍ സുപ്രീം കോടതി ആവശ്യപ്പെട്ടു. നായിഡുവിന് വേണ്ടി മുതിര്‍ന്ന അഭിഭാഷകരായ ഹരീഷ് സാല്‍വെ, അഭിഷേക് സിങ്‌വി, സിദ്ധാര്‍ഥ് ലുത്ര എന്നിവരാണ് ഹാജരാകുന്നത്.
