വിവാഹ വാഗ്ദാനം നല്‍കി ലൈംഗിക ചൂഷണം; തമിഴ്‌നാട് മുന്‍ മന്ത്രിയുടെ മുന്‍കൂര്‍ ജാമ്യാപേക്ഷ തള്ളി
ഡൂള്‍ന്യൂസ് ഡെസ്‌ക്
Thursday, 17th June 2021, 1:49 pm
ചെന്നൈ: വിവാഹ വാഗ്ദാനം നല്‍കി ലൈംഗിക ചൂഷണം നടത്തിയ സംഭവത്തില്‍ അണ്ണാ ഡി.എം.കെ. നേതാവും മുന്‍ മന്ത്രിയുമായ മണികണ്ഠന് നല്‍കിയ മുന്‍കൂര്‍ ജാമ്യാപേക്ഷ കോടതി തള്ളി.
മലേഷ്യയില്‍ താമസമാക്കിയ സ്ത്രീയാണ് മണികണ്ഠനെതിരെ പരാതി നല്‍കിയത്. അഞ്ചുവര്‍ഷത്തോളമായി താനുമായി മണികണ്ഠന് ബന്ധമുണ്ടായിരുന്നെന്നും തന്നെ വിവാഹം കഴിക്കാമെന്ന് വാഗ്ദാനം ചെയ്ത് ലൈംഗിക ചൂഷണം നടത്തിയെന്നും സ്ത്രീ നല്‍കിയ പരാതിയില്‍ പറഞ്ഞിരുന്നു.
താന്‍ ഗര്‍ഭിണിയായതോടെ തന്നെ ഭീഷണിപ്പെടുത്തിയെന്നും യുവതി പരാതിയില്‍ പറഞ്ഞു. ഗര്‍ഭം അലസിപ്പിക്കാന്‍ മണികണ്ഠന് തന്നെ നിര്‍ബന്ധിച്ചുവെന്നും ശാരീരികമായി പീഡിപ്പിച്ചുവെന്നും പരാതിയില്‍ പറയുന്നു.
എന്നാല്‍ വാദങ്ങള്‍ മണികണ്ഠന്റെ വക്കില്‍ കോടതിയില്‍ എതിര്‍ത്തു. ആരോപണങ്ങള്‍ വ്യാജമാണെന്നും സ്ത്രീ പണം തട്ടിയെടുക്കാനുള്ള ശ്രമമാണെന്നുമായിരുന്നു വാദം.
