പിണറായിയുടെ ധാര്‍ഷ്ട്യത്തിനു ജനങ്ങള്‍ നല്‍കിയ തിരിച്ചടി; ഇടതുപക്ഷത്തിന്റെ നന്‍മയെ പിണറായി തകര്‍ക്കുകയാണെന്നും പ്രേമചന്ദ്രന്
ഡൂള്‍ന്യൂസ് ഡെസ്‌ക്
Friday, 24th May 2019, 6:52 pm
കൊല്ലം:മുഖ്യമന്ത്രി പിണറായി വിജയന്റെ ധിക്കാരത്തിനും ധാര്‍ഷ്ട്യത്തിനും ജനങ്ങള്‍ നല്‍കിയ തിരിച്ചടിയാണ് തെരഞ്ഞെടുപ്പ് ഫലമെന്ന് കൊല്ലം നിയുക്ത എംപി എന്‍.കെ.പ്രേമചന്ദ്രന്. ഇടതുപക്ഷത്തിന്റെ നന്‍മയെ പിണറായി വിജയന്‍ തകര്‍ക്കുകയാണെന്നും പിണറായി വിരുദ്ധതയാണു പാര്‍ലമെന്റ് തിരഞ്ഞെടുപ്പില്‍ പ്രതിഫലിച്ചതെന്നും പ്രേമചന്ദ്രന് പറഞ്ഞു.
പിണറായിയുടെ ഇഷ്ടത്തിന് അനുസരിച്ച് മാത്രം പ്രവര്‍ത്തിക്കുന്നതാണ് സി.പി.ഐ.എമ്മിന്റെ ദുരന്തം. സംഘടനയും സമ്പത്തും അധികാരവും ഉപയോഗിച്ച് എന്തും നടക്കുമെന്ന ധാര്‍ഷ്ട്യമാണ് പിണറായിക്ക്. കേരളത്തില്‍ ഇങ്ങനെയൊരു ഭരണസംവിധാനം വേണമോയെന്നു സി.പി.ഐ.എം പൊളിറ്റ്ബ്യൂറോ ആലോചിക്കണമെന്നും പ്രേമചന്ദ്രന് പറഞ്ഞു.
