സായിയുടെ പിന്നാലെ നടന്ന് പ്രായം കണ്ടുപിടിക്കുന്ന സീന്‍ എഡിറ്റ് ചെയ്തപ്പോള്‍ കളഞ്ഞു; പ്രേമത്തില്‍ ഏറ്റവും ഇഷ്ടപ്പെട്ട രംഗത്തെ പറ്റി നിവിന്‍ പോളി
എന്റര്‍ടെയിന്‍മെന്റ് ഡെസ്‌ക്
Saturday, 22nd October 2022, 7:17 pm
പ്രേമത്തില്‍ തനിക്ക് ഏറ്റവും ഇഷ്ടപ്പെട്ട രംഗത്തെ പറ്റി തുറന്ന് പറഞ്ഞ് നിവിന്‍ പോളി. സായി പല്ലവിയെ പ്രൊപ്പോസ് ചെയ്യുന്നൊരു രംഗം പ്രേമത്തില്‍ ഉണ്ടായിരുന്നുവെന്നും എന്നാല്‍ എഡിറ്റ് ചെയ്തപ്പോള്‍ അത് കളഞ്ഞെന്നുമായിരുന്നു റെഡ് എഫ്.എമ്മിന് നല്‍കിയ അഭിമുഖത്തില്‍ നിവിന്‍ പറഞ്ഞത്.
‘പ്രേമത്തില്‍ സായിയെ പ്രൊപ്പോസ് ചെയ്യുന്ന സീനുണ്ടായിരുന്നു, ഒരു ലൈബ്രറിയില്‍ വെച്ച്. അത് എഡിറ്റ് ചെയ്തപ്പോള്‍ കളഞ്ഞു. മനോഹരമായ സീനായിരുന്നു. സായിയുടെ പിന്നാലെ നടന്ന് പ്രായം കണ്ടുപിടിക്കുന്ന സീനായിരുന്നു. അത് രസമായിരുന്നു. ആ പ്രൊപ്പോസല്‍ സീന്‍ എനിക്ക് ഭയങ്കര ഇഷ്ടമായിരുന്നു,’ നിവിന്‍ പറഞ്ഞു.
