നിതീഷിനെതിരെ പടയൊരുക്കവുമായി ബി.ജെ.പി? അഴിമതിക്കേസില്‍ ജയിലില്‍ പോകേണ്ടയാളാണ് നിതീഷെന്ന് ബി.ജെ.പി എം.എല്‍.സി
ഡൂള്‍ന്യൂസ് ഡെസ്‌ക്
Thursday, 3rd June 2021, 8:42 pm
പാട്‌ന: ബിഹാറില്‍ മുഖ്യമന്ത്രി നിതീഷ് കുമാറിനെതിരെ ബി.ജെ.പി എം.എല്‍.സി തുന്ന പാണ്ഡെ. 2009 ലെ മദ്യ അഴിമതിയില്‍ നിതീഷിന് പങ്കുണ്ടെന്നും വൈകാതെ അദ്ദേഹം ജയിലില്‍ പോകേണ്ടിവരുമെന്നും അദ്ദേഹം പറഞ്ഞു.
തന്റെ പക്കല്‍ എല്ലാ തെളിവുകളുമുണ്ടെന്നും ലാലുപ്രസാദ് യാദവിനപ്പോലെ ജയിലില്‍ കിടക്കേണ്ടയളാണ് നിതീഷെന്നും അദ്ദേഹം കൂട്ടിച്ചേര്‍ത്തു.
സാഹചര്യങ്ങളാണ് നിതീഷിനെ മുഖ്യമന്ത്രിയാക്കിയതെന്നും അതിനുള്ള അര്‍ഹത അദ്ദേഹത്തിനില്ലെന്നും പാണ്ഡെ പറഞ്ഞു.
‘നിതീഷ് കുമാര്‍ വഴിയല്ല ഞാന്‍ രാഷ്ട്രീയത്തിലെത്തിയത്. അദ്ദേഹത്തിന്റെ ദയാവായ്പിലല്ല ഞാന്‍ രാഷ്ട്രീയത്തില്‍ തുടരുന്നത്. നീതിയുക്തമായ അന്വേഷണം ഇക്കാര്യത്തില്‍ നടക്കട്ടെ,’ പാണ്ഡെ പറഞ്ഞു.
