കൊവിഡ് 19; എന്‍.ആര്‍.ഐ പദവിയ്ക്ക് 120 ദിവസമെന്ന മാനദണ്ഡം പുന:പരിശോധിക്കുമെന്ന് നിര്‍മല സീതാരാമന്‍
ഡൂള്‍ന്യൂസ് ഡെസ്‌ക്
Saturday, 14th March 2020, 7:46 am
ന്യൂദല്‍ഹി: 120 ദിവസത്തില്‍ കൂടുതല്‍ ഇന്ത്യയില്‍ തങ്ങിയാല്‍ പ്രവാസികള്‍ക്ക് എന്‍.ആര്‍.ഐ പദവി നഷ്ടപ്പെടുമെന്ന വ്യവസ്ഥ കൊവിഡ് 19 മൂലമുള്ള യാത്രാനിയന്ത്രണങ്ങളുടെ പശ്ചാത്തലത്തില്‍ പുനഃപരിശോധിക്കണമെന്ന ആവശ്യം പരിഗണനയിലെന്ന് ധനമന്ത്രി നിര്‍മല സീതാരാമന്‍. കേന്ദ്രമന്ത്രിസഭായോഗത്തിനുശേഷം മാധ്യമങ്ങളോട് സംസാരിക്കുകയായിരുന്നു മന്ത്രി.
182 ദിവസമായിരുന്നു നേരത്തേയുള്ള വ്യവസ്ഥ. ഇത് 120 ദിവസമാക്കുമെന്നു പ്രഖ്യാപിച്ചത് കഴിഞ്ഞ ബജറ്റിലാണ്. ഉയര്‍ന്ന വരുമാനക്കാര്‍ വ്യവസ്ഥ ദുരുപയോഗിച്ച് ഒരു രാജ്യത്തും നികുതി നല്‍കാതിരിക്കുന്നതു തടയാനെന്നോണമായിരുന്നു ഈ നടപടി.
