കര്‍ഷക കൂട്ടക്കൊലയെക്കുറിച്ച് നിര്‍മല സീതാരാമനോട് ചോദ്യവുമായി അമേരിക്കയിലെ വിദ്യാര്‍ത്ഥികള്‍; ഗത്യന്തരമില്ലാതെ അപലപിച്ച് മന്ത്രി
ഡൂള്‍ന്യൂസ് ഡെസ്‌ക്
Wednesday, 13th October 2021, 2:03 pm
ഹാര്‍വാര്‍ഡ്: ലഖിംപൂര്‍ ഖേരിയിലെ കര്‍ഷക കൂട്ടക്കൊലയെ അപലപിച്ച് കേന്ദ്ര ധനമന്ത്രി നിര്‍മല സീതാരാമന്‍. അമേരിക്കയിലെ ഹാര്‍വാര്‍ഡ് കെന്നഡി സ്‌കൂള്‍ വിദ്യാര്‍ത്ഥികളുമായുള്ള സംഭാഷണത്തിനിടെയായിരുന്നു നിര്‍മലയുടെ പ്രതികരണം.
കര്‍ഷക കൂട്ടക്കൊലയില്‍ പ്രധാനമന്ത്രിയും മറ്റു മുതിര്‍ന്ന മന്ത്രിമാരും മൗനം തുടരുന്നത് എന്തെന്നായിരുന്നു വിദ്യാര്‍ത്ഥികളുടെ ചോദ്യം.
‘ഇക്കാര്യം മാത്രം നിങ്ങള്‍ തിരഞ്ഞു പിടിച്ചു ചോദിച്ചല്ലോ. ലഖിംപുരിലെ സംഭവം അപലപനീയമാണെന്ന കാര്യത്തില്‍ സംശയമില്ല. അതേസമയം ഇത്തരത്തിലുള്ള സംഭവങ്ങള്‍ രാജ്യത്തിന്റെ മറ്റു പല ഇടങ്ങളിലും നടക്കുന്നുണ്ട്,’ നിര്‍മല പറഞ്ഞു.
ബി.ജെ.പി ഭരിക്കുന്ന സംസ്ഥാനങ്ങളില്‍ മാത്രമല്ല, മറ്റു സംസ്ഥാനങ്ങളിലും ഇത്തരത്തിലുള്ള സംഭവങ്ങള്‍ നടക്കാറുണ്ട്. ഇക്കാര്യങ്ങളിലും ശ്രദ്ധ പതിപ്പിക്കണമെന്നും മന്ത്രി പറഞ്ഞു.
