തിരുത്തല് ഹരജി തള്ളിയതിന് പിന്നാലെ രാഷ്ട്രപതിക്ക് ദയാഹരജി നല്കി പവന് ഗുപ്ത
ഡൂള്ന്യൂസ് ഡെസ്ക്
Monday, 2nd March 2020, 1:31 pm
ന്യൂദല്ഹി: തിരുത്തല് ഹരജി തള്ളിയതിന് പിന്നാലെ രാഷ്ട്രപതിക്ക് ദയാഹരജി നല്കി പവന് നിര്ഭയ കേസിലെ നാലാം പ്രതിയായ പവന് ഗുപ്ത. ജസ്റ്റിസ് എന്.വി രമണ അധ്യക്ഷനായ ബെഞ്ച് ചേംബറില് പരിഗണിച്ചാണ് തിരുത്തല് ഹരജി തിങ്കളാഴ്ച സുപ്രീംകോടതി തള്ളിയത്. തൊട്ടുപിന്നാലെയാണ് പവന് ഗുപത് ദയാഹരജി ഫയല് ചെയ്തത്.
വാര്ത്തകള് ടെലഗ്രാമില് ലഭിക്കാന് ഇവിടെ ക്ലിക്ക് ചെയ്യൂ
നിര്ഭയ കേസിലെ കുറ്റവാളികളുടെ വധശിക്ഷ മാര്ച്ച് 3ന് നടപ്പാക്കാന് പാട്യാല ഹൗസ് കോടതി നേരത്തെ മരണ വാറണ്ട് പുറപ്പെടുവിച്ചിരുന്നു. ദയാഹരജി പരിഗണിക്കുന്ന ഘട്ടത്തില് വധശിക്ഷ നടപ്പാക്കരുതെന്നാണ് ചട്ടം. അതിനാല് വധശിക്ഷ അടുത്ത ദിവസം നടക്കില്ലെന്നാണ് റിപ്പോര്ട്ടുകള്.
