കബീര്‍ കലാമഞ്ചിനെതിരെ എന്‍.ഐ.എ കേസെടുത്തത് മോദിക്കെതിരെ പാരഡി ഗാനം പാടിയതിന്
ഡൂള്‍ന്യൂസ് ഡെസ്‌ക്
Tuesday, 15th December 2020, 1:53 pm
മുംബൈ: എല്‍ഗാര്‍ പരിഷദ് കേസില്‍ കലാസംഘമായ കബീര്‍ കലാമഞ്ചിനെതിരെ എന്‍.ഐ.എ കേസെടുത്തത് പ്രധാനമന്ത്രി നരേന്ദ്ര മോദിക്കെതിരെ പാരഡി ഗാനം ആലപിച്ചതിന്.
ഗായകരായ സാഗര്‍ ഗോര്‍ഖേ, രമേഷ് ഗയ്‌ചോര്‍ തുടങ്ങിയവര്‍ മുംബൈ ഹൈക്കോടതിയില്‍ നല്‍കിയ പരാതിയില്‍ പ്രതികരിച്ചുകൊണ്ടാണ് ബോംബെ ഹൈക്കോടതിയില്‍ പാരഡി ഗാനത്തിന്റെ കാര്യം എന്‍.ഐ.എ ഉന്നയിച്ചത്.
പാരഡി ഗാനത്തില്‍ നരേന്ദ്രമോദിയേയും, ബി.ജെ.പി സര്‍ക്കാരിന്റെ ചില നയങ്ങളെയും വിമര്‍ശിച്ചുവെന്നാണ് എന്‍.ഐ.എ പറയുന്നത്.
കബീര്‍ കലാമഞ്ച് പാടിയ പാട്ടിന്റെ പരിഭാഷയുടെ കോപ്പിയും എന്‍.ഐ.എ കോടതിയില്‍ സമര്‍പ്പിച്ചിരുന്നു.
