നെയ്മര്‍ അഭിനേതാവല്ല മികച്ച താരമാണ്; റൊമേലു ലുക്കാക്കു

മോസ്‌കോ: ഇന്ന് ക്വാര്‍ട്ടര്‍ ഫൈനലില്‍ ബ്രസീലിനെ നേരിടുന്നതിന്‌ മുമ്പ് ബ്രസീല്‍ സൂപ്പര്‍ താരം നെയ്മറിന് ബെല്‍ജിയന്‍ താരം റൊമേലു ലുക്കാക്കുവിന്റെ ക്ലീന്‍ ചിറ്റ്.

നെയ്മര്‍ മികച്ച താരമാണോ അതോ അഭിനേതാവോ എന്ന ചോദ്യത്തിനാണ് ലുക്കാക്കു മറുപടി നല്‍ കിയത്. എന്നെ സംബന്ധിച്ച് നെയ്മര്‍ മികച്ച താരമാണ് അഭിനേതാവല്ല. ലുക്കാക്കു മാധ്യമങ്ങളോട് പറഞ്ഞു.

നെയ്മറിനെ ഫൗള്‍ ചെയ്യുന്ന താരങ്ങള്‍ പലപ്പോഴും കരുത്തര്‍ ആണെന്നും, സാധാരണ കളിക്കാരില്‍ കവിഞ്ഞ മികവ് നെയ്മറിനുണ്ടെന്നും ലുക്കാക്കു കൂട്ടിച്ചേര്‍ത്തു.

ALSO READ: ബെല്‍ജിയത്തിനെതിരെ മാഴ്‌സലോ കളിക്കുമോ; ടിറ്റെയുടെ ടീം സിലക്ഷന്‍ ഇങ്ങനെ

നേരത്തെ മെക്‌സിക്കോയ്‌ക്കെതിരായ മത്സരത്തിന് ശേഷം നെയ്മര്‍ ഒരു അഭിനേതാവാണെന്ന് മെക്‌സിക്കോയുടെ കോച്ച് കുറ്റപ്പെടുത്തിയിരുന്നു.

എന്നാല്‍ തങ്ങള്‍ക്ക് ബ്രസീലിനോട് ബഹുമാനമാണ് ഉള്ളതെന്നാണ് ബെല്‍ ജിയം കോച്ച് മെര്‍ട്ടിനസ് മാധ്യമങ്ങളോട് പറഞ്ഞത്.

ALSO READ: ഒടിയന്‍ മാണിക്യന്‍ വരുന്നു; റിലീസ് ഡേറ്റും വിശദാംശങ്ങളും പ്രഖ്യാപിച്ച് ഒടിയന്‍ ടീസര്‍ ഇറങ്ങി

ഇന്ന് രാത്രി 11.30ക്കാണ് ബ്രസീല്‍-ബെല്‍ജിയം മത്സരം. മത്സരത്തില്‍ ബ്രസീല്‍ മധ്യനിര താരമായ കാസമിറോ കളിക്കില്ല. മാഴ്‌സലോയുടെ കാര്യവും സംശയമാണ്.

പ്രീക്വാര്‍ട്ടറിലെ ആധികാരിക ജയത്തിന് ശേഷം ആത്മവിശ്വാസത്തിലാണ് ബ്രസീല്‍ ക്യാംപ്.