വിലകുറച്ച് കാണുന്നവരോട്; ലീഗ് വണ്ണിനെക്കാള്‍ മികച്ചത് സൗദി ലീഗ്: നെയ്മര്‍
സൗദി പ്രോ ലീഗ് ഫ്രാന്‍സിന്റെ ലീഗ് വണ്ണിനെക്കാള്‍ മികച്ചതാകുമെന്ന് ബ്രസീല്‍ സൂപ്പര്‍ താരം നെയ്മര്‍ ജൂനിയര്‍. പാരീസ് സെന്റ് ഷെര്‍മാങ്ങില്‍ നിന്ന് കഴിഞ്ഞ മാസമാണ് നെയ്മര്‍ സൗദി അറേബ്യന്‍ ക്ലബ്ബായ അല്‍ ഹിലാലുമായി സൈന്‍ ചെയ്തത്. 2026 ഫിഫ ലോകകപ്പിന്റെ യോഗ്യതാ മത്സരവുമായി ബന്ധപ്പെട്ട് നടത്തിയ വാര്‍ത്താ സമ്മേളനത്തിലാണ് നെയ്മര്‍ ഇക്കാര്യങ്ങള്‍ പങ്കുവെച്ചത്.
‘സൗദിയെ വിലകുറച്ച് കാണാന്‍ ശ്രമിക്കുന്നവര്‍ ഉടന്‍ തന്നെ ഈ ലീഗ് പിന്തുടരാന്‍ തുടങ്ങും. ഞാന്‍ അവരോട് പറയുന്നു, സൗദി ശക്തമായ ലീഗാണ്. സൗദിയില്‍ സൈനിങ് നടത്തിയ താരങ്ങളുടെ പേരുകള്‍ നോക്കൂ. ലീഗ് വണ്ണിനെക്കാള്‍ മികച്ചതാകും സൗദി പ്രോ ലീഗ്,’ നെയ്മര്‍ പറഞ്ഞു.
Neymar said that the Saudi Pro League might already be better than Ligue 1 😮 pic.twitter.com/tGqUdgZWlt
— ESPN FC (@ESPNFC) September 7, 2023
