ഇംഗ്ലണ്ടിന് പിന്നാലെ കിവീസ് താരങ്ങളും ബാക്കിയുള്ള ഐ.പി.എല്‍ മത്സരത്തില്‍ ഉണ്ടായേക്കില്ല
ഡൂള്‍ന്യൂസ് ഡെസ്‌ക്
Wednesday, 12th May 2021, 5:11 pm
ന്യൂദല്‍ഹി: രാജ്യത്ത് കൊവിഡ് രണ്ടാം തരംഗം രൂക്ഷമായതിനെ തുടര്‍ന്ന് നിര്‍ത്തിവെച്ച ഐ.പി.എല്‍ 14ാം സീസണിലെ ബാക്കിയുള്ള മത്സരത്തില്‍ ന്യൂസീലന്‍ഡ് താരങ്ങള്‍ കളിക്കില്ലെന്ന് റിപ്പോര്‍ട്ട്.
സെപ്തംബര്‍- ഒക്ടോബര്‍ മാസങ്ങളില്‍ ന്യൂസീലന്‍ഡിന് പാകിസ്താനുമായി രാജ്യാന്തര മത്സരങ്ങളുണ്ട്. പിന്നാലെ ടി-20 ലോകകപ്പ് കൂടി കളിക്കാനുള്ളതിനാല്‍ ന്യൂസീലന്‍ഡ് താരങ്ങള്‍ ഐ.പി.എല്‍ കളിച്ചേക്കില്ലെന്നാണ് സൂചനകള്‍ വരുന്നത്.
കെയിന്‍ വില്ല്യംസണ്‍, ട്രെന്റ് ബോള്‍ട്ട്, കെയില്‍ ജമീസണ്‍, ഫിന്‍ അലന്‍, ലോക്കി ഫെര്‍ഗൂസന്‍, മിച്ചല്‍ സാന്റ്‌നര്‍, ടിം സെയ്‌ഫെര്‍ട്ട്, ആദം മില്‍നെ, ജെയിംസ് നീഷം എന്നിവരാണ് ഐ.പി.എല്ലില്‍ കളിക്കുന്ന കിവീസ് താരങ്ങള്‍.
