ലോകകപ്പിന് മുമ്പ് നടക്കുന്ന ത്രിരാഷ്ട്ര സീരീസില്‍ പാകിസ്ഥാനെ നിലം തൊടീക്കാതെ പരാജയപ്പെടുത്തി ന്യൂസിലാന്‍ഡ്. ഒമ്പത് വിക്കറ്റിനായിരുന്നു ന്യൂസിലാന്‍ഡിന്റെ വിജയം.
പാകിസ്ഥാന്റെ പേരുകേട്ട പേസ് നിരയെ നിലത്തുനിര്‍ത്താതെയായിരുന്നു കിവീസ് ബാറ്റര്‍മാര്‍ എടുത്തിട്ടടിച്ചത്. പാകിസ്ഥാന്റെ സ്റ്റാര്‍ പേസര്‍മാര്‍ എല്ലാവരും തന്നെ മികച്ച രീതിയില്‍ അടിവാങ്ങിക്കൂട്ടി.
ന്യൂസിലാന്‍ഡിലെ ഹേഗ്‌ലി പാര്‍ക്കില്‍ വെച്ച് നടന്ന മത്സരത്തിലായിരുന്നു ബ്ലാക് ക്യാപ്‌സ് പാകിസ്ഥാനെ തകര്‍ത്തുവിട്ടത്. ടോസ് നേടി ബാറ്റിങ് തെരഞ്ഞെടുത്ത പാകിസ്ഥാന്റെ തീരുമാനം തെറ്റിക്കുന്ന പ്രകടനമായിരുന്നു കിവീസ് ബൗളര്‍മാര്‍ പുറത്തെടുത്തത്.
And now Michael Bracewell gets the key wicket of Babar Azam!
പാകിസ്ഥാന്റെ പേരുകേട്ട ഓപ്പണിങ് കൂട്ടുകെട്ടിന് ഈ മത്സരത്തില്‍ കാര്യമായി ഒന്നും തന്നെ ചെയ്യാന്‍ സാധിച്ചില്ല. മുഹമ്മദ് റിസ്വാന്‍ 16ഉം ബാബര്‍ അസം 21ഉം റണ്‍സെടുത്ത് പുറത്തായി.
മറുപടി ബാറ്റിങ്ങിനിറങ്ങിയ ന്യൂസിലാന്‍ഡ് പാകിസ്ഥാന്‍ ബൗളര്‍മാരെ വളഞ്ഞിട്ട് തല്ലി. നസീം ഷാ, ഷഹനവാസ് ദഹാനി, മുഹമ്മദ് വസീം തുടങ്ങി പാക് നിരയില്‍ പന്തെറിഞ്ഞ എല്ലാവരും സാമാന്യം ഭേദപ്പെട്ട രീതിയില്‍ തന്നെ അടിവാങ്ങിയിരുന്നു.
ഓപ്പണര്‍മാരായ ഫിന്‍ അലനും ഡെവോണ്‍ കോണ്‍വേയും പടുത്തുയര്‍ത്തിയ ഓപ്പണിങ് കൂട്ടുകെട്ട് 117 റണ്‍സാണ് നേടിയത്. 42 പന്തില്‍ നിന്നും 62 റണ്‍സ് നേടിയ അലന്‍ പുറത്താകുമ്പോള്‍ തന്നെ ന്യൂസിലാന്‍ഡ് വിജയം ഉറപ്പിച്ചിരുന്നു.
this is what we call knocking it out of the park! 💪
46 പന്തില്‍ നിന്നും 49 റണ്‍സുമായി കോണ്‍വേയും ഒമ്പത് പന്തില്‍ നിന്നും ഒമ്പത് റണ്‍സുമായി ക്യാപ്റ്റന്‍ കെയ്ന്‍ വില്യംസണും പുറത്താവാതെ നിന്നപ്പോള്‍ 23 പന്ത് ബാക്കിനില്‍ക്കെ ന്യൂസിലാന്‍ഡ് ലക്ഷ്യം കാണുകയായിരുന്നു.
Content Highlight: New Zealand defeats Pakistan in Tri Series
