'പുതുക്കിയ ട്രാഫിക്ക് നിയമത്തിന് മുമ്പും ശേഷവും'; പോക്കറ്റ് കാലിയാക്കുന്ന പിഴ ഈടാക്കുന്നതിനെതിരെ സോഷ്യല്‍ മീഡിയ ട്രോള്‍
ഡൂള്‍ന്യൂസ് ഡെസ്‌ക്
Tuesday, 10th September 2019, 6:59 pm
മോട്ടോര്‍വാഹന ഭേദഗതിയിലൂടെ ഉയര്‍ന്ന പിഴ ഈടാക്കാനുള്ള തീരുമാനത്തിനെതിരെ സോഷ്യല്‍മീഡിയയില്‍ ട്രോള്‍. പുതുക്കിയ ഫൈന്‍ നിരക്കിനെ രാജ്യത്തെ റോഡുകളുമായടക്കം താരതമ്യപ്പെടുത്തിയാണ് ട്രോളുകള്‍.
സെപ്റ്റംബര്‍ ഒന്ന് മുതല്‍ നിലവില്‍ വന്ന നിയമം വാഹനയാത്രക്കാരുടെ നടുവൊടിക്കുന്നതാണെന്നും ഫൈനടയ്ക്കാന്‍ ലോണെടുക്കേണ്ടി വരുമെന്നടക്കം വിമര്‍ശകര്‍ പറയുന്നു.
ഹെല്‍മറ്റ്, സീറ്റ് ബെല്‍റ്റ് എന്നിവ ധരിക്കാതെ വാഹനം ഓടിക്കുകയാണെങ്കില്‍ നിലവിലുള്ള പിഴയായ 100 രൂപയ്ക്ക് പകരം പുതുതായി ഏര്‍പ്പെടുത്തിയത് 1000 രൂപയാണ്. അതുപോലെ മദ്യപിച്ച് വാഹനമോടിച്ചാല്‍ 10,000 രൂപയാണ് പുതുക്കിയ പിഴ, കൂടാതെ ആറ് മാസം തടവും. പണ്ട് ഇത് 2000 ആയിരുന്നു.
