പാട്രിയോട്ട് ഷോയിലെ പുതിയ ലക്കം സി.എ.എ, എന്‍.ആര്‍.സിയെക്കൂറിച്ച്; ഹസന്‍ മിന്‍ഹാജിന്റെ നെറ്റ്ഫ്ളിക്സ് ഷോ പ്രൊമോ വീഡിയോ പുറത്ത്
ഡൂള്‍ന്യൂസ് ഡെസ്‌ക്
Saturday, 21st December 2019, 11:31 am
വാഷിങ്ങ്ടണ്‍: സ്റ്റാന്‍ഡ് അപ് കൊമേഡിയന്‍ ഹസ്ന്‍ മിന്‍ഹാജിന്റെ പ്രശസ്ത നെറ്റ്ഫ്ളിക്സ് ഷോ പാട്രിയട്ട് ആക്ടില്‍ പൗരത്വ ഭേദഗതി നിയമവും വിഷയമാകുന്നു. 22 ഞായറാഴ്ച സംപ്രേക്ഷണം ചെയ്യുന്ന എപ്പിസോഡിലാണ് പൗരത്വ പട്ടികയും പൗരത്വഭേദഗതി നിയമവും വിഷയമാകുന്നത്.
ട്വിറ്ററില്‍ പരിപാടിയുടെ പ്രൊമോ വീഡിയോ ഹസന്‍ പങ്കുവെച്ചിട്ടുണ്ട്. സി.എ.എ, എന്‍.ആര്‍.സി പിന്നെ വേറെയും എന്ന തലക്കെട്ടിലാണ് ട്വീറ്റ് പോസ്റ്റ് ചെയ്തിരിക്കുന്നത്. ഇതോടെ പിന്തുണയും ഭീഷണികളും ഹസന്‍ മിന്‍ഹാജിനെതിരെ ട്വീറ്റിന് താഴേ നിറയുന്നുണ്ട്.
