ഐ.എഫ്.എഫ്.ഐയില്‍ നെടുമുടി വേണുവിനെ ആദരിക്കും
എന്റര്‍ടെയിന്‍മെന്റ് ഡെസ്‌ക്
Saturday, 20th November 2021, 5:05 pm
പനാജി: ഗോവ ഇന്റര്‍നാഷണല്‍ ഫിലിം ഫെസ്റ്റിവലില്‍ ഈ വര്‍ഷം അന്തരിച്ച മലയാളികളുടെ പ്രിയതാരം നെടുമുടി വേണുവിനെ ആദരിക്കും.
പുനീത് രാജ്കുമാര്‍, ദിലീപ് കുമാര്‍, സുമിത്ര ഭാവെ, സഞ്ചാരി വിജയ്, സുരേഖ സിക്രി തുടങ്ങിയവരെയും വേദിയില്‍ അനുസ്മരിക്കും.
ഇന്ന് വൈകിട്ട് 7 മണിക്കാണ് ചലച്ചിത്ര മേളയുടെ ഉദ്ഘാടന ചടങ്ങ് നടക്കുക. കേന്ദ്ര വാര്‍ത്താ വിതരണ വകുപ്പ് മന്ത്രി അനുരാഗ് ഠാക്കൂര്‍ മേളയുടെ ഉദ്ഘാടനം നിര്‍വഹിക്കും.
നവംബര്‍ 28 വരെയാണ് ഐ.എഫ്.എഫ്.ഐ നടക്കുന്നത്. 73 രാജ്യങ്ങളില്‍നിന്ന് 148 ചിത്രങ്ങള്‍ അന്താരാഷ്ട്ര വിഭാഗത്തില്‍ പ്രദര്‍ശനത്തിനെത്തും.
