തെന്നിന്ത്യന്‍ പ്രേക്ഷകരുടെ ഇഷ്ടതാരദമ്പദികളാണ് നസ്രിയയും ഫഹദ് ഫാസിലും. വിവാഹശേഷം പല വേദികളിലും നസ്രിയയെ പറ്റി ഫഹദ് പുകഴ്ത്തി സംസാരിച്ചിട്ടുണ്ട്. അത്തരം ഒരു പ്രശംസക്ക് മറുപടി നല്‍കുകയാണ് നസ്രിയ. ഗലാട്ട പ്ലസിന് നല്‍കിയ അഭിമുഖത്തിനിടയില്‍ ഫഹദിന്റെ പരാമര്‍ശം അവതാരകന്‍ പറയുകയായിരുന്നു.
ജോലിക്കിടയിലും തന്റെ വീടിനേയും ജീവിതത്തേയും അവള്‍ എങ്ങനെ മാനേജ് ചെയ്യുന്നു എന്ന് അറിയണമെന്നുണ്ട്, അതില്‍ അവളൊരു വിദഗ്ധയാണെന്ന് ഫഹദ് പറഞ്ഞുവെന്നാണ് അവതാരകന്‍ പറഞ്ഞത്. ഇത് കേള്‍ക്കാന്‍ നല്ല സുഖമാണെന്നാണ് നസ്രിയ പറഞ്ഞത്.
‘ഞാനൊരു മള്‍ട്ടി ടാസ്‌കറാണ് ( ചിരിക്കുന്നു ), വെറുതെ തമാശ പറഞ്ഞതാണ്. സത്യം പറയുകയാണെങ്കില്‍ നാം ചെയ്യുന്നത് വളരെയധികം ഇഷ്ടപ്പെടുന്നുണ്ടെങ്കില്‍ അത് മാനേജ് ചെയ്യാന്‍ പറ്റും. എന്റെ വീട് മാനേജ് ചെയ്യുന്നതും ഫഹദിന്റെ ജീവിതം മാനേജ് ചെയ്യുന്നതും ഞാന്‍ ഇഷ്ടപ്പെടുന്നു. സമയമില്ല എന്ന് പറഞ്ഞ് ഞാന്‍ ഇതില്‍ നിന്നും ഒഴിഞ്ഞുമാറാറില്ല,’ നസ്രിയ പറഞ്ഞു.
