നായാട്ടിന് ഡിയോരമ ഇന്റര്‍നാഷണല്‍ ഫിലിം ഫെസ്റ്റിവലില്‍ പുരസ്‌കാരം; ജോജു ജോര്‍ജ് മികച്ച നടന്‍, നടി റിമ കല്ലിങ്കല്‍
എന്റര്‍ടെയിന്‍മെന്റ് ഡെസ്‌ക്
Sunday, 26th December 2021, 3:35 pm
ന്യൂദല്‍ഹി: ജോജു ജോര്‍ജിനും നായാട്ടിനും 2021 ഡിയോരമ ഇന്റര്‍നാഷണല്‍ ഫിലിം ഫെസ്റ്റിവലില്‍ അംഗീകാരം. മികച്ച നടനുള്ള ഗോള്‍ഡന്‍ സ്പാരോ പുരസ്‌കാരത്തിന് ജോജു ജോര്‍ജ് അര്‍ഹനായി.
ഏറ്റവും മികച്ച രണ്ടാമത്തെ ഫീച്ചര്‍ ഫിലിമിനുള്ള പുരസ്‌കാരം നായാട്ടിനാണ്. ‘ബറാ ബറ’ എന്ന ഹിന്ദി ചിത്രമാണ് ഏറ്റവും മികച്ച ചലച്ചിത്രം. റിമ കല്ലിങ്കലാണ് മികച്ച നടി. സന്തോഷത്തിന്റെ ഒന്നാം രഹസ്യം എന്ന ചിത്രമാണ് റിമയെ പുരസ്‌ക്കാരത്തിന് അര്‍ഹയാക്കിയത്.
84 രാജ്യങ്ങളില്‍ നിന്നുള്ള 130-ലധികം സിനിമകള്‍ ആണ് ഫിലിം ഫെസ്റ്റിവലില്‍ പ്രദര്‍ശിപ്പിച്ചത്. ന്യൂദല്‍ഹിയിലെ സിരി ഫോര്‍ട്ട് ഓഡിറ്റോറിയത്തിലെ ഗ്രൗണ്ടിലായിരുന്നു മേള നടന്നത്.
