തെന്നിന്ത്യന്‍ താരങ്ങള്‍ ഒന്നിച്ച് ഡിസ്‌നി പ്ലസ് ഹോട്‌സ്റ്റാറിലേക്ക്, ഒപ്പം നയന്‍താരയും
ഡൂള്‍ന്യൂസ് ഡെസ്‌ക്
Friday, 23rd October 2020, 9:16 pm
ചെന്നൈ: നയന്‍താര കേന്ദ്ര കഥാപാത്രത്തെ അവതരിപ്പിക്കുന്ന തമിഴ് ചിത്രം മുക്കുത്തി അമ്മന്‍ റിലീസ് ചെയ്യുന്നത് ഒ.ടി.ടി പ്ലാറ്റ്‌ഫോമില്‍. ഡിസ്‌നി പ്ലസ് ഹോട്ട്‌സ്റ്റാറിലാണ് ചിത്രം റിലീസ് ചെയ്യുന്നത്. ദീപാവലിക്കാണ് ചിത്രം റിലീസ് ചെയ്യുന്നത്.
നയന്‍താര ചിത്രം കൂടാതെ തെന്നിന്ത്യയില്‍ നിന്നുള്ള ഒരു പിടി വെബ്‌സീരീസുകളാണ് ഡിസ്‌നി പ്ലസ് ഹോട്‌സ്റ്റാറില്‍ റിലീസിനൊരുങ്ങുന്നത്. കാജല്‍ അഗര്‍വാള്‍, തമന്ന ഭാട്ടിയ എന്നിവരുടെ ആദ്യ വെബ്‌സീരീസുകളും ഹോട്‌സ്റ്റാറിലാണ് എത്തുന്നത്.
കാജല്‍ അഗര്‍വാളിന്റെ ലൈവ് ടെലികാസ്റ്റ് എന്ന വെബ്‌സീരീസാണ് റിലീസിനൊരുങ്ങുന്നത്. വെങ്കട് പ്രഭുവാണ് സീരീസ് നിര്‍മ്മിക്കുന്നത്. കാജലിനെ കൂടാതെ നടി തമന്നയുടെ വെബ് സീരീസും ഹോട്‌സ്റ്റാറില്‍ റിലീസ് ചെയ്യും. നവംബര്‍ സ്റ്റോറി എന്ന വെബ് സീരീസുമായാണ് തമന്ന എത്തുന്നത്.
