നാനും റൗഡി താന്‍ ടീം വീണ്ടും; വിജയ് സേതുപതിക്കൊപ്പം നയന്‍താരയും സാമന്തയും; വിഗ്നേഷ് ശിവന്റെ ചിത്രം ആരംഭിച്ചു
എന്റര്‍ടെയിന്‍മെന്റ് ഡെസ്‌ക്
Thursday, 10th December 2020, 1:33 pm
ചെന്നൈ: ഒരിടവേളക്ക് ശേഷം വിജയ് സേതുപതി – നയന്‍താര – വിഗ്നേഷ് ശിവന്‍ കൂട്ട്‌കെട്ട് വീണ്ടും ഒന്നിക്കുന്നു. കാതുവാക്കുള്ളെ രണ്ടു കാതല്‍ എന്ന് പേരിട്ടിരിക്കുന്ന ചിത്രത്തില്‍ നടി സാമന്തയും നായികയാവുന്നുണ്ട്.
ചിത്രത്തിന്റെ ഷൂട്ടിംഗ് വ്യാഴാഴ്ച ആരംഭിച്ചു. കഴിഞ്ഞ ഫെബ്രുവരിയില്‍ പ്രഖ്യാപിച്ച ചിത്രം കൊവിഡിനെ തുടര്‍ന്ന് നീണ്ടു പോകുകയായിരുന്നു. ചിത്രത്തിന്റെ പൂജയുടെ ചിത്രങ്ങള്‍ വിഗ്നേഷ് ശിവന്‍ സോഷ്യല്‍ മീഡിയയില്‍ പങ്കുവെച്ചിട്ടുണ്ട്.
ആദ്യ ദിനത്തില്‍ വിജയ് സേതുപതിയുടെ ഭാഗങ്ങളാണ് ചിത്രീകരിക്കുക. മലയാളത്തില്‍ നിഴലിന്റെ ചിത്രീകരണം പൂര്‍ത്തിയായതോടെ നയന്‍താര ഈ ചിത്രത്തില്‍ ഉടന്‍ ജോയിന്‍ ചെയ്യും.
