വാഷിംഗ്ടണ്‍: ലോകസമ്പദ് വ്യവസ്ഥയിലും മാന്ദ്യം പ്രകടമായി തുടങ്ങിയെന്നും അത് വളര്‍ന്നുവരുന്ന സാമ്പത്തിക ശക്തികളായ ഇന്ത്യയിലും ബ്രസീലിലും കൂടുതല്‍ പ്രകടമാവുമെന്നും ഐ.എം.എഫിന്റെ പുതിയ മേധാവി ക്രിസ്റ്റലിന ജോര്‍ജിവ. കഴിഞ്ഞ ആറ് വര്‍ഷങ്ങള്‍ക്കിടയില്‍ ഏറ്റവും കുറഞ്ഞ വളര്‍ച്ചയാണ് ജൂണ്‍ ആദ്യ പാദത്തില്‍ രേഖപ്പെടുത്തിയത്. 5 % ആയി രാജ്യത്തെ സാമ്പത്തിക വളര്‍ച്ച കുറഞ്ഞിരുന്നു.
വാഷിങ്ടണില്‍ അടുത്തയാഴ്ച തുടങ്ങുന്ന ഐ.എം.എഫിന്റെയും ലോകബാങ്കിന്റെയും വാര്‍ഷികയോഗത്തിനു മുന്നോടിയായി സംസാരിക്കുകയായിരുന്നു അവര്‍. ആഗോള മാന്ദ്യത്തിന് പ്രധാന കാരണമായി പറയുന്നത് യു.എസ്-ചൈന വ്യാപാര ബന്ധമാണ്.
