പൂനെ: ദേശീയ സീനിയര്‍ സ്‌കൂള്‍ കായികമേളയില്‍ കേരളത്തിനു കിരീടം. തമിഴ്‌നാടിനാണ് രണ്ടാം സ്ഥാനം. കേരളത്തിന്റെ തുടര്‍ച്ചയായ 20ാം കിരീട നേട്ടമാണിത് മേള വിഭജിച്ച ശേഷമുള്ള ആദ്യത്തെതും. വിജയമില്ലാതെ തുടങ്ങിയ ആദ്യ ദിനത്തില്‍ നിന്ന് വിഭിന്നമായിരുന്നു അവസാനദിനത്തെ കാഴ്ചകള്‍. കേരളത്തിനെതിരെ കാര്യമായ വെല്ലുവിളികള്‍ ഉയര്‍ത്താന്‍ മറ്റു സംസ്ഥാനങ്ങള്‍ക്ക് കഴിഞ്ഞിരുന്നില്ല.
Also read ടീമിനു പുറത്താകേണ്ട ഘട്ടങ്ങളില്‍ എന്നെ രക്ഷിച്ചത് ധോണി: കോഹ്‌ലി
11 സ്വര്‍ണ്ണവും 13 വെള്ളിയും 6 വെങ്കലവും ഉള്‍പ്പടെ 114 പോയിന്റ് നേടിയാണ് കേരളം ഒന്നാമതെത്തിയത്. രണ്ടാം സ്ഥാനത്തെത്തിയ തമിഴ്‌നാടിനു 58 പോയിന്റ് മാത്രമാണ് ലഭിച്ചത്.
മീറ്റിന്റെ അവസാന ഇനമായ 4 * 400 മീറ്റര്‍ റിലേയിലും സ്വര്‍ണ്ണം നേടിയാണ് കേരളം സീനിയര്‍ സ്‌കൂള്‍ കായികമേള അവസാനിപ്പിച്ചത്. നേരത്തെ കേരളത്തിന്റെ അബിത മേരി മാനുവല്‍ മീറ്റ് റെക്കോര്‍ഡോടെ 800മീറ്ററില്‍ ഒന്നാമതെത്തിയിരുന്നു. അബിതയുടെ രണ്ടാം സ്വര്‍ണ്ണ നേട്ടം കൂടിയായിരുന്നു ഇത്.