എന്നാല്‍, കൃഷ്ണഗിരി ജില്ലാ കളക്ടര്‍ ജയചന്ദ്ര ഭാനു റെഡ്ഡി ജല്ലിക്കെട്ട് നടത്താനായി അനുമതി നല്‍കിയിരുന്നുവെന്നുവെന്നും, തുടര്‍ന്ന് പരിപാടി നടത്താനാവശ്യമായ സൗകര്യങ്ങള്‍ ഏര്‍പ്പെടുത്തിയത് പരിശോധിക്കാനുള്ള ഹൊസൂര്‍ സബ് കളക്ടറുടെ ഉത്തരവിനെതിരെയാണ് യുവാക്കള്‍ പ്രതിഷേധിച്ചതെന്ന് അധികൃതര്‍ അറിയിച്ചു.
ഹൊസൂര്‍ സബ് കളക്ടര്‍ ആര്‍. ശരണ്യ വ്യാഴാഴ്ച രാവിലെ പരിശോധന നടത്താനായിരുന്നു ഉത്തരവ്. എന്നാല്‍ പരിപാടിയുടെ സംഘാടകരുടെ നേതൃത്വത്തില്‍ പരിശോധനക്ക് മുമ്പ് നാട്ടുകാരും യുവാക്കളും ചേര്‍ന്ന് ദേശീയപാത ഉപരോധിക്കുകയായിരുന്നു.
പ്രതിഷേധക്കാരില്‍ പലരും മദ്യലഹരിയിലായിരുന്നുവെന്നും പത്തോളം സര്‍ക്കാര്‍ ബസുകള്‍ തകര്‍ത്തെന്നും നിലവില്‍ സ്ഥിതിഗതികള്‍ ശാന്തമാണെന്നും കൃഷ്ണഗിരി എസ്.പി സരോജ്കുമാര്‍ താക്കൂര്‍ അറിയിച്ചു.
