അറുപത്തിയാറാമത് ദേശീയ ചലച്ചിത്ര പുരസ്‌കാരം പ്രഖ്യാപിച്ചു; ജോജുവിനും സാവിത്രി ശ്രീധരനും പ്രത്യേക പരാമര്‍ശം; എ.ജെ രാധാകൃഷ്ണന്‍ മികച്ച ഛായാഗ്രാഹകന്‍
എന്റര്‍ടെയിന്‍മെന്റ് ഡെസ്‌ക്
Friday, 9th August 2019, 5:14 pm
ന്യൂദല്‍ഹി: അറുപത്തിയാറാമത് ദേശീയ ചലച്ചിത്ര പുരസ്‌കാരങ്ങള്‍ പ്രഖ്യാപിച്ചു. ഗുജറാത്തി സിനിമ ഹെല്ലാരൊവാണ് മികച്ച സിനിമ. മഹാനടിയിലെ അഭിനയത്തിലൂടെ കീര്‍ത്തി സുരേഷ് മികച്ച നടിയായി തെരഞ്ഞെടുക്കപ്പെട്ടപ്പോള്‍ മികച്ച നടനുള്ള പുരസ്‌ക്കാരം വിക്കി കൗശലും ആയുഷ്മാന്‍ ഖുറാനയും പങ്കിട്ടെടുത്തു.
ഉറി ദ സര്‍ജിക്കല്‍ സ്‌ട്രൈക്ക് എന്ന ചിത്രത്തിലെ അഭിനയത്തിനാണ് വിക്കി കൗശല്‍ മികച്ച നടനുള്ള പുരസ്‌കാരം ലഭിച്ചത്. അന്ധാദുന്‍ എന്ന ചിത്രത്തിലെ അഭിനയത്തിനാണ് ആയുഷ്മാന്‍ ഖുറനയ്ക്ക് പുരസ്‌ക്കാരം ലഭിച്ചത്.
ഉറി: ദ സര്‍ജിക്കല്‍ സ്‌ട്രൈക്ക് ഒരുക്കിയ ആദിത്യ ധര്‍ ആണ് മികച്ച സംവിധായകന്‍. ഓള് എന്ന ചിത്രത്തിന്റെ ഛായാഗ്രാഹണത്തിലൂടെ എം ജെ രാധാകൃഷ്ണനാണ് മികച്ച ഛായാഗ്രഹനായുള്ള പുരസ്‌ക്കാരം.
