ക്രിക്കറ്റ് കണ്ട എക്കാലത്തേയും മഹാരഥനാണ് ഷെയ്ന്‍ വോണ്‍. തന്റെ കരിയറില്‍ നേട്ടങ്ങളുടെ കളിത്തോഴനായ വോണ്‍ നേടിയത് എണ്ണിയാലൊടുങ്ങാത്ത നേട്ടങ്ങളാണ്. അതില്‍ പലതും ഇന്നും തകര്‍ക്കപ്പെടാതെ വോണിന്റെ പേരില്‍ തന്നെ തുടരുകയുമാണ്.
എന്നാലിപ്പോള്‍ താരത്തിന്റെ പേരിലുള്ള ഒരു സൂപ്പര്‍ റെക്കോഡിന് ഭീഷണി ഉയര്‍ന്നിരിക്കുകയാണ്. വോണിന്റെ നേട്ടത്തിനൊപ്പമെത്തിയതാകട്ടെ മറ്റൊരു ഓസ്‌ട്രേലിയന്‍ താരവും.
ഇപ്പോള്‍ നടന്നുകൊണ്ടിരിക്കുന്ന ശ്രീലങ്ക – ഓസ്‌ട്രേലിയ ടെസ്റ്റ് പരമ്പരയിലാണ് വോണിന്റെ റെക്കോഡിന് ഭീഷണിയുമായി ഓസീസ് സൂപ്പര്‍ താരമായ നഥാന്‍ ല്യോണ്‍ രംഗപ്രവേശം ചെയ്തത്. കഴിഞ്ഞ മത്സരത്തില്‍ അഞ്ച് വിക്കറ്റുമായാണ് താരം തിളങ്ങിയത്.
ഇതോടെയാണ് താരം വോണിന്റെ നേട്ടത്തിനൊപ്പമെത്തിയത്. ഏഷ്യന്‍ മണ്ണില്‍ ഏറ്റവുമധികം തവണ അഞ്ച് വിക്കറ്റ് വീഴ്ത്തുന്ന വിസിറ്റിങ് സ്പിന്നര്‍ എന്ന റെക്കോഡിനൊപ്പമാണ് ല്യോണ്‍ എത്തിയിരിക്കുന്നത്. ഒമ്പത് തവണയാണ് ഇരുവരും ഏഷ്യന്‍ മണ്ണില്‍ അഞ്ച് വിക്കറ്റ് നേട്ടം കൈവരിച്ചിരിക്കുന്നത്.
തുടര്‍ന്ന് രമേഷ് മെന്‍ഡിസിനെ വിക്കറ്റിന് മുമ്പില്‍ കുടുക്കിയും ലസിത് എംബുല്‍ഡെനിയയെ ഖവാജയുടെ കൈകളിലെത്തിച്ചും ല്യോണ്‍ അഞ്ച് വിക്കറ്റ് നേട്ടം പൂര്‍ത്തിയാക്കി.
മറുപടി ബാറ്റിങ്ങിനിറങ്ങിയ ഓസീസ് 98ന് മൂന്ന് എന്ന നിലിലാണ്. ഡേവിഡ് വാര്‍ണറിന്റെയും മാര്‍കസ് ലബുഷാനിന്റെയും സ്റ്റീവ് സ്മിത്തിന്റെയും വിക്കറ്റുകളാണ് ഓസീസിന് നഷ്ടമായത്.
