പെര്‍ത്തിലേറ്റ 295 റണ്‍സിന്റെ തോല്‍വിയുടെ ഭാരത്തില്‍ ഇന്ത്യയെ അഡ്‌ലെയ്ഡില്‍ നേരിടാന്‍ ഒരുങ്ങുകയാണ് കങ്കാരുപ്പട. ഡിസംബര്‍ ആറിന് ആരംഭിക്കുന്ന ഡേ നൈറ്റ് ടെസ്റ്റിനെക്കുറിച്ചാണ് ഇപ്പോള്‍ ക്രിക്കറ്റ് ലോകത്ത് ചര്‍ച്ചകള്‍. ആദ്യ ടെസ്റ്റിന്റെ രണ്ടാം ഇന്നിങ്‌സില്‍ തകര്‍പ്പന്‍ സെഞ്ച്വറി നേടി തിരിച്ചുവരവ് നടത്തിയ വിരാട് കോഹ്‌ലി അഡ്‌ലെയ്ഡിലും അതേ ഫോം തുടരുമെന്നാണ് ആരാധകര്‍ പ്രതീക്ഷിക്കുന്നത്.
അഡ്‌ലെയ്ഡില്‍ ഏറ്റവുമധികം റണ്‍സ് നേടിയ വിസിറ്റിങ് ബാറ്റര്‍മാരില്‍ നാലാം സ്ഥാനത്താണ് നിലവില്‍ വിരാട്. കരീബിയന്‍ ഇതിഹാസം ബ്രയാന്‍ ലാറയാണ് ലിസ്റ്റില്‍ ഒന്നാമത്. 610 റണ്‍സാണ് ലാറ അഡ്‌ലെയ്ഡ് ഓവലില്‍ നിന്ന് സ്വന്തമാക്കിയത്. 509 റണ്‍സാണ് വിരാടിനുള്ളത്. രണ്ടാം ടെസ്റ്റില്‍ രണ്ട് ഇന്നിങ്‌സില്‍ നിന്നും 102 റണ്‍സ് നേടിയാല്‍ കോഹ്‌ലിക്ക് ചരിത്രം സൃഷ്ടിക്കാം.
അഡ്‌ലെയ്ഡില്‍ ഏറ്റവുമധികം റണ്‍സ് നേടിയ വിസിറ്റിങ് ബാറ്റര്‍മാര്‍ (താരം, ടീം, ഇന്നിങ്‌സ്, റണ്‍സ്)
ആദ്യ ടെസ്റ്റിലേറ്റ നാണക്കേട് മാറ്റാന്‍ ഓസീസും വിജയക്കുതിപ്പ് തുടരാന്‍ ഇന്ത്യയും ഇറങ്ങുമ്പോള്‍ മത്സരം തീപാറുമെന്ന് ഉറപ്പാണ്. അഡ്‌ലെയ്ഡ് ടെസ്റ്റിലും വിജയിച്ച് ടെസ്റ്റ് ചാമ്പ്യന്‍ഷിപ്പിന്റെ ഫൈനല്‍ ബെര്‍ത്ത് കൂടുതല്‍ ശക്തമായി ഉറപ്പിക്കുക എന്നതാണ് ഇന്ത്യയുടെ ലക്ഷ്യം.
Content Highlight: Nathan Lyon and Virat Kohli’s form is the main attraction for Adelaide test in Border Gavaskar Trophy
