വൈറ്റാലിറ്റി ബ്ലാസ്റ്റില്‍ വോസ്റ്റര്‍ഷെയറിനെ തകര്‍ത്ത് സെമി ഫൈനലിലേക്ക് മാര്‍ച്ച് ചെയ്ത് ഹാംഷെയര്‍. ഓസ്‌ട്രേലിയന്‍ സൂപ്പര്‍ താരം നഥാന്‍ എല്ലിസിന്റെ തകര്‍പ്പന്‍ പ്രകടനത്തിന് പിന്നാലെയാണ് ഹാംഷെയര്‍ ഹോക്‌സ് അഞ്ച് വിക്കറ്റിന്റെ ഗംഭീര വിജയം കുറിച്ചത്.
2.5 ഓവറില്‍ വെറും ആറ് റണ്‍സ് വഴങ്ങി നാല് വിക്കറ്റ് വീഴ്ത്തിയ എല്ലിസാണ് വോസ്റ്റര്‍ഷെയറിനെ തകര്‍ത്തുവിട്ടത്. ഐ.പി.എല്ലില്‍ പഞ്ചാബ് കിങ്‌സിനായി മികച്ച പ്രകടനം കാഴ്ചവെച്ച താരം വൈറ്റാലിറ്റി ബ്ലാസ്റ്റില്‍ ഹോക്‌സിന് വേണ്ടിയും അത് ആവര്‍ത്തിക്കുകയാണ്.
എന്നാല്‍ ഏഴാം വിക്കറ്റില്‍ എഡ് പൊള്ളോക്കും ഒസാമ മിറുമാണ് വെസ്റ്റര്‍ഷെയറിനെ വന്‍ നാണക്കേടില്‍ നിന്നും കരകയറ്റിയത്. ടീം സ്‌കോര്‍ 29ല്‍ നില്‍ക്കവെ ക്രീസിലെത്തിയ ഈ കൂട്ടുകെട്ട് പിരിയുന്നത് 99ലാണ്. ഒസാമയെ മടക്കി ബെന്നി ഹൗവലാണ് കൂട്ടുകെട്ട് തകര്‍ത്തത്.
ശേഷം ഒറ്റ റണ്‍സ് കൂട്ടിച്ചേര്‍ക്കുന്നതിനിടെ മൂന്ന് വിക്കറ്റ് വലിച്ചെറിഞ്ഞ വോസ്റ്റര്‍ഷെറിന്റെ പോരാട്ടം 100 റണ്‍സില്‍ അവസാനിച്ചു. ഈ മൂന്ന് വിക്കറ്റിന്റെയും അവകാശി എല്ലിസായിരുന്നു. ഇതിന് പുറമെ ബെന്‍ കോക്‌സിനെയാണ് താരം മടക്കിയത്.
