'നന്മ, വിനയം, മറ്റൊരാള്‍ക്ക് നല്‍കുന്ന സന്തോഷം ഇതൊക്കെയാണ് മനുഷ്യനെ മനുഷ്യനാക്കുന്നത്'; അജിത്തിനെക്കുറിച്ചുള്ള ഓര്‍മ പങ്കുവെച്ച് നാസര്‍ ലത്തീഫ്
എന്റര്‍ടെയിന്‍മെന്റ് ഡെസ്‌ക്
Thursday, 11th May 2023, 11:13 pm
നിര്‍മാതാവ് കൂടിയായ നാസര്‍ ലത്തീഫിനെ ചെറുതും വലുതുമായ നിരവധി സിനിമകളിലൂടെ മലയാളികള്‍ക്ക് സുപരിചിതനാണ്. ഗാന്ധാരി, ചേരി, റാംജിറാവു സ്പീക്കിങ്, ആന്‍മരിയ കലിപ്പിലാണ്, സണ്‍ഡേ ഹോളിഡേ തുടങ്ങിയ അമ്പതോളം ചിത്രങ്ങളില്‍ താരം അഭിനയിച്ചിട്ടുണ്ട്.
താന്‍ അഭിനയിച്ച എന്നൈ അറിന്താല്‍ എന്ന തമിഴ് സിനിമയില്‍ നടന്‍ അജിത്തുമായുണ്ടായ അനുഭവം പങ്കുവെക്കുകയാണ് നാസര്‍. താന്‍ ഒരു സെല്‍ഫി ചോദിച്ചപ്പോള്‍ അത് മറക്കാതെ ഒര്‍ത്തുവെച്ച് എടുത്തുതന്ന ആളാണ് അജിത്തെന്ന് നാസര്‍ പറഞ്ഞു. മാസ്റ്റര്‍ ബിന്‍ മീഡിയക്ക് നല്‍കിയ അഭിമുഖത്തിലായിരുന്നു നാസറിന്റെ പ്രതികരണം.
‘എന്നൈ അറിന്താല്‍ എന്ന ഗൗതം മേനോന്‍ സംവിധാനം ചെയ്ത സിനിമയില്‍ ഞാന്‍ അഭിനയിച്ചിട്ടുണ്ട്. അനുഷ്‌ക ഷെട്ടിയുടെ അച്ഛനായിട്ടായിരുന്നു ആ വേഷം. സിനിമയുടെ ഷൂട്ട് നടന്നുകൊണ്ടിരിക്കുകയായിരുന്നു.
