ലോക ടെസ്റ്റ് ചാമ്പ്യന്‍ഷിപ്പിന്റെ ഫൈനലിനായാണ് ക്രിക്കറ്റ് ലോകമൊന്നാകെ കാത്തിരിക്കുന്നത്. ടെസ്റ്റിലെ രാജാക്കന്‍മാരുടെ സിംഹാസനം ഇത്തവണ ആര് സ്വന്തമാക്കുമെന്ന ആകാംക്ഷയിലാണ് ലോകമെമ്പാടുമുള്ള ക്രിക്കറ്റ് ആരാധകര്‍.
ബോര്‍ഡര്‍ – ഗവാസ്‌കര്‍ ട്രോഫിയിലെ ആധിപത്യം വീണ്ടുമുറപ്പിക്കാന്‍ ഇന്ത്യയിറങ്ങുമ്പോള്‍ ഇന്ത്യന്‍ മണ്ണില്‍ ഇന്ത്യയോട് തോറ്റതിന്റെ നാണക്കേട് മറക്കാനാകും കമ്മിന്‍സും സംഘവും ഓവലിലേക്കിറങ്ങുന്നത്.
ഇരുഭാഗത്തും ശക്തരായ താരങ്ങളെ അണിനിരത്തിക്കൊണ്ടാണ് ഇന്ത്യയും ഓസ്‌ട്രേലിയയും പരസ്പരം പോരാടാനൊരുങ്ങുന്നത്. കൊണ്ടും കൊടുത്തും ഇരുവരും മുന്നേറുമ്പോള്‍ വിജയം ആര്‍ക്കൊപ്പം നില്‍ക്കുമെന്നത് അപ്രവചനീയം തന്നെയാണ്.
ഇരുടീമില്‍ നിന്നുള്ള ശക്തരായ താരങ്ങളെ അണിനിരത്തിയുള്ള മുന്‍ സൂപ്പര്‍ താരം നാസര്‍ ഹുസൈന്റെ കമ്പൈന്‍ഡ് ഇലവനാണ് ഇപ്പോള്‍ ക്രിക്കറ്റ് ലോകത്ത് ചര്‍ച്ചയാകുന്നത്. നാല് ഇന്ത്യന്‍ താരങ്ങളും ഏഴ് ഓസീസ് താരങ്ങളും ഉള്‍പ്പെട്ടതാണ് ഹുസൈന്റെ ഇലവന്‍.
